Ֆրանսիացի փորձագետները շատ հավանական են համարում պայթյունի վարկածը եգիպտական հանրանավում

Ավիաթռիչքների անվտանգության ֆրանսիացի փորձագետները շատ հավանական են համարում պայթյունի վարկածը եգիպտական A-320 հանրանավում: «Ամենայն հավանականությամբ, օդում ինքնաթիռի կործանումը տեղի Է ունեցել շատ արագ: Դրա պատճառ կարող Էր դառնալ ինչպես տեխնոլոգիական պայթյունն, այնպես Էլ տեղադրված ռումբի պայթյունը: Պայթուցիկ նյութը կարող Էր, մասնավորապես, ինքնաթիռ տարվել ուղեւորների համար ուտելիքի հետ»,- BFM-TV հեռուստաալիքի եթերում այս կարծիքն Է հայտնել ֆրանսիացի փորձագետ, քաղաքացիական ավիացիայի նախկին օդաչու Ժերար Ֆելտզերը:     

Նրա կարծիքով՝ ինքնաթիռում պայթյունի վարկածի օգտին Է վկայում այն փաստը, որ «կա՛մ օդաչուն չի հասցրել ոչ մի հաղորդում տալ, կա՛մ Էլ, եթե հավատանք ոչ պաշտոնական տվյալներին, հակիրճ հաղորդում Է տվել, որ ինքնաթիռն անկառավարելի Է: Այսինքն՝ ինքնաթիռում տեղի Է ունեցել իրադարձությունների սրընթաց զրագացում, որը բացահայտորեն ուղեկցվել Է ապարատի ապահերմետիկացմամբ»:   

«Չնայած Փարիզի օդանավակայանում կիրառվող  անվտանգության խստագույն միջոցներին, ինքնաթիռ պայթուցիկ սարք անցկացնել միանգամայն հնարավոր Է»,- France Info ռադիոկայանի եթերում ասել Է փորձագետ Պիեռ Քանդոմը:

«Չպետք Է նաեւ մոռանալ, որ եգիպտական հանրանավը Փարիզ Է ժամանել մի շարք միջանկյալ վայրԷջքներից հետո, ինչը սոսկ մեծացնում Է այնտեղ պայթուցիկ սարքի տեղադրման հավանականությունը»,- հավելել Է փորձագետը, հաղորդել Է ՏԱՍՍ-ը: