Հայտնի է Պերմյակովի գործով դատական լսումների օրը

Հյուսիսկովկասյան շրջանային ռազմական դատարանի ենթակայության ներքո գտնվող Երևանի հինգերորդ կայազորային զինվորական դատարանը կես տարով երկարաձգել է Գյումրիում հայկական ընտանիքի բոլոր անդամներին սպանած ռուս զինծառայող Վալերի Պերմյակովի կալանքի ժամկետը:

Այս մասին ռուսական ՏԱՍՍ գործակալությանը հայտնել է դատարանի մամուլի քարտուղար Ալյոնա Կատկալկոն: «Կալանքի տակ պահելու ժամկետը երկարացվել է մինչև 2016 թվականի հունվարի 30-ը: Պերմյակովի գործով դատական բաց նիստը նշանակված է 2015 թվականի օգոստոսի 12-ին, Մոսկվայի ժամանակով 09.30-ին»,- ասել է նա:

Ավետիսյանների ընտանիքի 6 անդամների սպանությունը տեղի է ունեցել 2015 թվականի հունվարի 12-ին՝ վաղ առավոտյան, ժամը 06:00-ի սահմաններում, իսկ նրանց մահը վրա էհասել հրազենայինվնասվածքներից։ Ավետիսյանների ընտանիքից ողջ է մնացել 6 ամսական փոքրիկը՝ Սերյոժա ԱրմենիԱվետիսյանը, ով կտրող-ծակող գործիքից ստացած վնասվածքներով տեղափոխվել է բժշկական կենտրոն: Նշանակվել են դատաբժշկական, դատատոքսիկոքիմիական, դատաձգաբանական փորձաքննություններ: Կասկածյալին ռուս սահմանապահները հայտնաբերել են հայ-թուրքական սահմանը հատելու փորձ կատարելիս եւ հանձնել 102-րդ ռուսական բազայի հրամանատարությանը: Նկատի ունենալով, որ նախաքննությամբ ձեռք բերված ապացույցները բավարար հիմք են տալիս առ այն, որ հանցագործությունը կատարել է ՌԴ 102-րդ ռազմաբազայի թիվ N զորամասիզինծառայող ՎալերիՊերմյակովը, ուստի՝ 2015թ. հունվարի 14-ին որոշում է կայացվել՝ վերջինիս ՀՀ քրեական օրենսգրքի104-րդ հոդվածի 2-րդ մասի 1-ին կետով որպես մեղադրյալ ներգրավելու մասին: