Ժամեր հետո Շվեդիայի մայրաքաղաք Ստոկհոլմում կկայանա «Եվրատեսիլ-2016»-ը: Այսօր ողջ Եվրոպան կորոշի, թե ով հաղթող կճանաչվի այս հեղինակավոր երգի մրցույթում: Մենք՝ հայրես, այս տարի մեծ սպասումներ ունենք, քանի որ Հայաստանը ներկայացնող Իվետա Մուկուչյանը «Եվրատեսիլ-2016»-ի առաջին կիսաեզրափակչից հետո համարվել է մրցույթի ամենաքննարկվող երգչուհիներից մեկը: Նա համարձակ էր ու վստահ բեմում, իսկ կանաչ սենյակում էլ ծածանեց Արցախի դրոշը: Միեւնույն վստահությամբ եւ հաղթական տրամադրությամբ «Եվրատեսիլ-2016»-ի թոփ մոդել ճանաչված Իվետան այսօր էլ կբարձրանա բեմ ու կներկայացնի Հայաստանը:
Մինչև վճռական համերգը Life.panorama.am-ին հաջողվել է խոսել Իվետա Մուկուչյանի հետ, ով համերգից ժամեր առաջ կիսվել է զգացողություններով.
«Իսկապես աննկարագրելի զգաղցողություններ ունեմ՝ այնքան ուժեղ եմ ինձ զգում: Ինձ ոգեւորում է այն միտքը, որ բոլորը համախմբված սպասում են իմ ելույթին՝ փոխանցելով իրենց դրական էներգիան: Միայն այս ամենը զգալու համար արժեր անցնել այս բարդ ու դժվարին ուղին: Բոլորին իմ անսահման շնորհակալությունն եմ ցանկանում փոխանցել»,- նշեց Իվետան
Հիշեցնենք, որ «Եվրատեսիլ-2016»ի եզրափակչում Իվետա Մուկուչյանը հանդես կգա վերջին՝ 26-րդ համարի ներքո:
