Հայտարարվեց հաշմանդամություն ունեցող կանանց գեղեցկության համահայկական մարցույթի հաղթող մասնակիցը

«Միսս Հայք 2016» հաշմանդամություն ունեցող կանանց գեղեցկության 8-րդ համահայկական մրցույթի եզրափակիչ փուլի հաղթող ճանաչվեց Էլեն Խաչատրյանը Երևանից:

Մրցույթի նպատակն է ցույց տալ հասարակությանը, որ հաշմանդամություն ունեցող աղջիկներն առաջին հերթին գեղեցիկ են:«Սկզբում առկա էր կարծրատիպային վերաբերմունք, մարդիկ կարծում էին, որ  չհաղթելու դեպքում մասնակիցները ավելորդ սթրեսի կենթարկվեն, բայց մենք ուզում ենք ապացուցել, որ նրանք հասարակության մի մասն են և հավասար են»,- «Արմենպրես»-ի փոխանցմամբ` նշեց «Ունիսոն» ՀԿ գործադիր տնօրեն և Միսս Հայք հաշմանդամություն ունեցող կանանց գեղեցկության համահայկական մրցույթի կազմկոմիտեի նախագահ Արմե ն Աավերդյանի:

Տնօրենը կարծում է, որ եթե մրցույթում ներգրավվեն նաև հաշմանդամություն չունեցող աղջիկներ, ապա կարող են ստեղծվել անհավասար պայմաններ: «Մի կողմից կարող են ավելի շահեկան դիրքում հայտնվել ոչ հաշմանդամները, մյուս կողմից` հնարավոր է ժյուրիի մոտ առաջանա ցանկություն խրախուսելու հենց հաշմանդամություն ունեցող աղջիկներին»,- կարծում է մրցույթի նախագահը:

2004 թ. մեկնարկած առաջին երեք մրցույթները տեղի են ունեցել յուրաքանչյուր տարի, իսկ 2008 թ. սկսած հաստատվեց 2 տարին մեկ անգամ ժամանակային ընդմիջումը: Մրցույթը, որին կարող են մասնակցելը 16 տարին լրացած և ավելի բարձր տարիքի կանայք, կրում է համահայկական մրցույթ. տարիների ընթացքում եղել են մասնակիցներ Արցախից, Ջավախքից, Ռուսաստանից: Այս տարի մրցույթը նվիրված է մայիսյան եռատոնին: «Սովորամաբար այն անցկացվում է ապրիլի առաջին օրերին, սակայն պատերազմական իրավիճակում նախօրոք նշանակված օրը` ապրիլի 6-ը, տեղափոխվեց»,- ասաց Ալավերդյանը:

Այս տարի եղել է 44 մասնակից, որոնցից 10-ն անցել են եզրափակիչ փուլ: Նրանց մեջ կային լսողական, տեղաշարժման և այլ բնույթի խնդիրներ ունեցող կանայք և աղջիկներ: Ընտրությունն իրականացվել է միայն լուսանկարներով` երեքը ֆեյսբուքյան քվեարկությամբ, իսկ մնացածը` ժյուրիի որոշմամբ: Ժյուրիի կազմում էին հաղորդավար Եգոր Գլումովը , հեռուստամեկնաբան Գայանե Փայտյանը, գրաֆիկ դիզայներ Մուշեղ Գարուկյանը:

Ալավերդյանը հավելեց, որ աղջիկները ժամանակին նաև աշխատել են որպես ֆոտոմոդելներ. լուսանկարներում աղջիկների հաշմանդամությունը չի երևացել, շեշտը դրվել է մոդելային հատկանիշների վրա: