Բեյոնսե, Վիկտորիա Բեքհեմ, Ադել. 2016-ի ամենաազդեցիկ մայրերը (ֆոտոշարք)

Life.panorama.am-ը գրում է.

Working Mother ամսագիրը կազմել է  50 ամենաազդեցիկ մայրերի ցուցակը։ Ամսագիրը մեկնաբանել է, որ հաշվի է առել ոչ միայն նրանց եկամուտների չափը և նվաճումները, այլ նաև «մեզ նոր նվաճումների  ոգեշնչելու և մեզ համար օրինակ ծառայելու ունակությունը»։

Ցուցակում  ընդգրկված է  Բեյոնսեն, որը մեծացնում է  4-ամյա դստերը՝ Բլու Այվիին։ «Ոչինչ չի կարող նրան կանգնեցնել։ Ամեն անգամ, երբ նա նոր նպատակ է դնում իր առջև, նա անպայման հասնում է  դրան»,- գրում է  հրատարակչությունը։

 

Ադելը՝ 3 տարեկան Անջելոյի մայրը,  նույնպես ընդգրկված է ցուցակում։ Նրա մասին ամսագիրը գրել է. «Այս երիտասարդ մայրը իշխում է  երաժշտական չարթերում, նրա երգերը հիթեր են»։

Ցուցակում է նաև Քեյթ Բլանշեթը, որը 14-ամյա Դեշիելի, 11-ամյա Ռոմանի և 8-ամյա Իգնատիուսի և մեկամյա Էդիթի մայրն է և որին ամսագիրը ներկայացնում է որպես «մեր ժամանակների մեծագույն դերասանուհիներից մեկը»։

Իսկ Վիկտորիա Բեքհեմը՝ 17-ամյա Բրուքլինի, 13-ամյա Ռոմեոյի, 11-ամյա Քրուզի և 4-ամյա Հարփերի մայրը ցուցակում է ներառված նման մեկնաբանությամբ. «Նա չի սովորել դիզայներություն, սակայն դա չի խանգարել նրան դառնալ նորաձևության մագնատներից մեկը և 8 տարվա ընթացքում ստեղծել լուրջ բիզնես այդ ոլորտում»։

Ամենաազդեցիկ մայրերի ցուցակում են նաև Ռիզ Ուիզերսփունը, Քերի Վաշինգթոնը, Վիոլա Դեվիսը, Ջեսիկա Ալբան, Մելիսա Մակարտին, Չելսի Քլինթոնը և այլ աստղեր։