«Համիլթոն» մյուզիքլը «Թոնի» մրցանակի է առաջադրվել ռեկորդային 16 անվանակարգերում

ՀԱՍԱՐԱԿՈՒԹՅՈՒՆ 4 Մայիս, 2016 17:42

Լին Մանուել Միրանդայի բեմադրությամբ «Համիլթոն» մյուզիքլը, որը ԱՄՆ-ի ֆինանսների առաջին նախարար Ալեքսանդր Համիլթոնի մասին Է, «Թոնի» թատերական մրցանակի Է առաջադրվել 16 անվանակարգերում, այդ թվում՝ որպես լավագույն մյուզիքլ, լավագույն երաժշտություն, լավագույն սցենար, առաջին եւ երկրորդ պլանի արտիստների լավագույն խաղ, տեղեկացնում Է «Արմենպրես»-ը:

Ինչպես նշել Է AP լրատվական գործակալությունը, «Թոնի» մրցանակի գոյության ողջ պատմության ընթացքում ավելի վաղ՝ 1947 թվականից ի վեր, միայն երկու բեմական ստեղծագործություններ՝ «Պրոդյուսերներ» (1969 թ.) եւ Էլթոն Ջոնի երաժշտությամբ «Բիլլ Էլիթոն» (2005 թ.) մյուզիքլներն են պարգեւների առաջադրվել 15 անվանակարգերում:

«Ես շատ ուրախ եմ, որ մյուզիքլը առաջադրված Է այսքան մեծ թվով անվանակարգերում,-նշել Է Լին Մանուել Միրանդան AP գործակալությանը տված հարցազրույցում:-Թատրոնում անհրաժեշտ Է բոլորի փոխգործակցությունը, եւ իմ բախտը բերել Է. ես աշխատում եմ բոլոր բնագավառների լավագույն մասնագետների հետ»:

Ապրիլի կեսերին «Համիլթոն»-ը, որպես լավագույն դրամատիկական ստեղծագործություն, արժանացել Էր Պուլիտցերյան հեղինակավոր մրցանակին, ինչպես նաեւ «Գրեմմի» մրցանակի ու Էդվարդ Քենեդիի անվան մրցանակի՝ ԱՄՆ-ի պատմության մեջ լավագույն դրամատիկական ստեղծագործության համար:

«Թոնի» մրցանակի համար 10 անվանակարգերում առաջադրվել Է մյուզիքլների պատմության մասին «Խառնաշփոթություն» բեմադրությունը, հինգ անվանակարգերում՝ «Պայծառ աստղ» բեմադրությունը, որը ԱՄՆ-ի հարավում ծավալվող սիրային պատմություն Է: «Ռոքի դպրոցը» մյուզիքլը, որը դպրոցականներից կոլեկտիվ ստեղծելու սկսնակ ռոք-կատարողի փորձերի մասին Է, ինչպես նաեւ գավառական փոքրիկ քաղաքի աղջկա ճակատագրի մասին պատմող «Մատուցողուհին», առաջադրվել են յուրաքանչյուրը չորս անվանակարգերում:

«Թոնի» պարգեւների հանձնման 70-րդ արարողությունը, որոնք համարվում են կինեմատոգրաֆիական «Օսկար»-ի համարժեքը եւ այդպես են կոչվել ամերիկացի դերասանուհի եւ ռեժիսոր Անտուանետա Փերիի (1888-1946 թթ.) պատվին, կկայանա հունիսի 12-ին, հաղորդել Է ՏԱՍՍ-ը: