Փրկարարները Երևանում արգելափակված վերելակներից դուրս են բերել քաղաքացիներին

 Հայաստանի արտակարգ իրավիճակների  նախարարության փրկարար ծառայության աշխատակիցները ապրիլի 29-ին և 30-ին օպերատիվ կերպով արձագանքել են քաղաքացիների ահազանգերին և հասել օգնության: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, ապրիլի 30-ին, ժամը 08.19-ին ահազանգ է ստացվել, որ Երևանի Դավթաշեն 1-ին թաղամասի թիվ 36 շենքի վերելակը խափանվել է (1-րդ և 2-րդ հարկերում), քաղաքացին մնացել է ներսում. դուրս բերելու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Փրկարարները Գ. Մ.-ին (1957 թ. ծնված) դուրս են բերել վերելակից:

Ապրիլի 30-ին, ժամը 07.23-ին ահազանգ է ստացվել, որ Երևանի Դավիթաշեն 3-րդ թաղամասի թիվ 15 շենքի վերելակը խափանվել է, քաղաքացին մնացել է ներսում. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Փրկարարները 1957 թ. ծնված Հ. Ա.-ին դուրս են բերել վերելակից:

Ապրիլի 29-ին, ժամը 23.20-ին ահազանգ է ստացվել, որ Երևանի Ավետ Ավետիսյան փողոցի թիվ 8 շենքի 1-ին մուտքի վերելակում քաղաքացիներ են արգելափակվել, դուրս բերելու համար անրաժեշտ է փրկարարների օգնությունը: Դեպքի վայր է մեկնել ՀՆՓԱԻԿ փրկարարական ջոկատը:Փրկարարներն արգելափակումից դուրս են բերել քաղաքացիներին։

Ապրիլի 29-ին, ժամը 21.36-ին ահազանգ է ստացվել, որ Արարատի մարզի Խարբերդ գյուղի ամառանոցների 26-րդ փողոցի տներից մեկի վատառողջ բնակիչն ընկել է հյուրասենյակում. բարձրացնելու և անկողնուն մոտեցնելու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:Փրկարարները բնակչին ցուցաբերել են համապատասխան օգնություն։ 

Ապրիլի 29-ին, ժամը 09.16-ին ահազանգ է ստացվել, որ Երևանի Բագրատունյաց պողոտայի թիվ 18 շենքի բնակարաններից մեկի վատառողջ բնակչին բնակարանից իջեցնելու և շտապօգնության ավտոմեքենային մոտեցնելու համար անհրաժեշտ է փրկարարների օգնությունը: Դեպքի վայր է մեկնել ՀՆՓԱԻԿ փրկարարական ջոկատը:  Փրկարարները բնակչին ցուցաբերել են համապատասխան օգնություն։