Կաթողիկե եկեղեցու առաջնորդարանը հրապարակել է Հռոմի պապի` Գյումրի այցի մանրամասները

 Թեեւ Հռոմի Ֆրանցիսկոս պապի այցելության ժամանակացույցը պաշտոնապես դեռ չի հրապարակվել, սակայն Հայաստանի, Վրաստանի, Ռուսաստանի և Արեւելյան Եվրոպայի հայ կաթողիկե եկեղեցու առաջնորդարանը մանրամասներ է հաղորդել սրբազան քահանայապետի այցից: «Արմենպրես»-ին տրամադրած տեղեկությունների համաձայն` նախատեսվում է, որ Ֆրանցիսկոս պապը հունիսի 25-ին սուրբ և անմահ պատարագ կմատուցի  Գյումրու «Վարդանանց»  հրապարակում:

Դեռևս ոչ վերջնական տվյալներով, Սրբազան Քահանայապետը Երևանից Գյումրիի կհասնի առավոտյան ժամը 11:00-ից առաջ, իր պապական մեքենայով՝ պապամոբիլով, Սրբոց Նահատակաց Եկեղեցու մոտից կուղևորվի դեպի Վարդանանց հրապարակ, որտեղ իր մեքենայով շրջելով կողջունի և կօրհնի հավաքված հազարավոր բազմությանը: Մուտքը հրապարակ, հավանաբար, կլինի հրավիրատոմսերով: Վարդանանց հրապարակում՝ ուղիղ ժամը 11:00-ին, հատուկ պատրաստված բեմի վրա, Սրբազան Պապը կմատուցի Սուրբ և Անմահ Պատարագ՝ համապատարագությամբ հայ կաթողիկե հոգևորականների: Պատարագը կմատուցվի լատինական ծեսով, բայց՝ հայկական շարականներով« որոնք կկատարեն Հայ Կաթողիկե եկեղեցու երգչախմբերը:

Նորին Սրբությունը կայցելի նաեւ Սբ Յոթվերք հայ առաքելական եկեղեցի« կաղոթի Տիրամոր պատկերի առաջ: Նորին Սրբության Գյումրի այցելության վերջին հանգրվանը կլինի Սրբոց Նահատակաց հայ կաթողիկէ եկեղեցին« որտեղ ժողովրդապետի և հայ կաթողիկե կղերի հետ միասին աղոթք կբարձրացնի առ Աստված, ապա հրաժեշտ կտա Գյումրիին: Պապի Հայաստան կատարելիք այցի առիթով այդ օրերին Հայաստան ուխտագնացության կգա նաև Լիբանանի հայ կաթողիկե հավատացյալների մի խումբ՝ նախաձեռնությամբ Հայ Կաթողիկե Պատրիարքարանի: Ուխտագնացների թիվն առայժմ ճշտվում է:

«Այժմ հայ կաթողիկե համայնքները ակտիվորեն պատրաստվում են Սրբազան Քահանայապետի պատմական այցին և« հոգևորականների առաջնորդությամբ« ինքնակազմակերպվում են՝ առավելագույնս մեծ թվով և պատշաճ ձևով մասնակցելու հունիսի 25-ի Սբ Պատարագին և լսելու Նորին Սրբության հայրական խոսքը: Պապի այցելության ժամանակացույցը պաշտոնապես դեռ չի հրապարակվել« բայց հստակ է« որ հունիսի 25-ին Նորին Սրբությունը կայցելի Գյումրի: Սա կլինի պատմության մեծ իրադարձություն. Կաթողիկե (Տիեզերական) Եկեղեցու առաջնորդը՝ Սբ Պետրոս առաքյալի հաջորդը« առաջին անգամ կայցելի Հայաստանի երկրորդ քաղաքը»,-նշում է կաթողիկե առաջնորդարանի  մամլո դիվանը:

Քահանայապետի՝ Գյումրի այցելելու վճռական ցանկության գլխավոր պատճառն« իհարկե« հայ կաթողիկե համայնքի մեծաթիվ ներկայությունն է Հայաստանի հյուսիսային շրջաններում« որոնց կենտրոնը Գյումրին է: Այստեղ է գտնվում նաև նորակառույց Սրբոց Նահատակաց հայ կաթողիկե առաջնորդանիստ եկեղեցին« որ մայր տաճարն է Հայաստանի« Վրաստանի« Ռուսաստանի և Արևելյան Եվրոպայի կաթողիկե հայոց: Այս տաճարի օծման հանդիսավոր արարողությանը« որը նախագահեց Կարդինալ Լեոնարդո Սանդրին« ներկա էր նաև ՀՀ նախագահ Սերժ Սարգսյանը:  Պապի այցը Գյումրիի հայրա կան սիրո արտահայտություն է ոչ միայն իր կաթողիկե հոտի« այլև՝ բոլոր գյումրեցիների հանդեպ»,-նշված է մամլո ծառայկության ու պաշտոնական կայքի պատասխանատու  Տ. Հովսեփ քհն. Գալստյանի  տարածած հաղորդագրության մեջ:

Հայաստանի Հանրապետության Նախագահ Սերժ Սարգսյանի, Ծայրագույն Պատրիարք և Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի և Կաթոլիկ եկեղեցու հրավերով հունիսի 24-26-ը Հայաստան կայցելի Հռոմի Պապ Նորին Սրբություն Ֆրանցիսկոսը:

Արմենուհի Մխոյան