Գյումրիին խոստացված 23 մլն եվրոն չի կորել. Սամվել Բալասանյան

 Գյումրիին  խոստացված 23 մլն եվրոն չի կորել: Այս մասին ապրիլի 23-ին  լրագրողների հետ ունեցած ճեպազրույցի ժամանակ վստահեցրեց Գյումրուքաղաքապետ Սամվել Բալասանյանը:

«Գնալու եմ Լոնդոն վարկի փաստաթղթերը  ստորագրելու: ՄԲ դեսպանատան կողմից այցի թույտվությունը ստանալուց հետո կմեկնենք մասնակցելու համաժողովի: Այցի ընթացքում նաև այդ վարկի հետ կապված փաստաթղթերը կստորագրվեն: Թող այդ 23 մլն եվրոյի հետ կապված անհանգստություն չլինի: Ամեն ինչ ըստ ժամանակացույցի և ընթացակարգի է գնում: Ինձ թվում է, սեպտեմբերին արդեն աշխատանքները կմեկնարկեն,  քանի որ նաև ԱԺ-ի կողմից վարկի տրամադրման հաստատման կարիքը կլինի: Շատ արագ կկազմակերվի նաև այդ գումարի շրջանակներում իրականացվող աշխատանքների մրցույթ. արագաÖ �նենք, որ մինչև ձմեռ իրականացվեն»,-նշեց Սամվել Բալասանյանը:

 ՀՀ նախագահ Սերժ Սարգսյանն ու Գյումրու քաղաքապետ Սամվել Բալասանյանը դեկտեմբերի 4-ին քննարկել էին քաղաքի զարգացման ծրագրերը, գերակայություններն ու առաջնահերթ խնդիրները« որոնց լուծման ուղղությամբ նախագահը մի շարք հանձնարարականներ էր տվել:  Նախագահն այդ հանդիպման ժամանակ նշել էր, որ Գյումրիում իրագործվելու է 23 մլն եվրո վարկային ծրագիր, եւ գումարն ուղղվելու է քաղաքի փողոցների բարեկարգմանն ու լուսավորությանը:

Արմենուհի Մխոյան