Ի”նչ տեսքով գնալ առաջին հանդիպմանը

Հոգեբանները միաձայն պնդում են, որ առաջին հանդիպումից հետո մենք ոչ թե հիշում ենք մեր արտաքինի, այլ նրա հագուստի բոլոր դետալները: Ինչպես տեղեկացնում է Past.am-ը, որոշ կանայք պնդում են, որ առաջին հայացքից կարող է առաջանալ ոչ թե սիրահարվածություն, այլ խորը սեր, մյուսներն էլ կասկածամտորեն թոթվում են ուսերը` ասելով, որ բացառությունները շատ են:

Սակայն, ինչպես էլ վերաբերեք հարցին՝ արդյոք արտաքինը ձեզ համար մեծ նշանակություն ունի կամ ընդհանրապես չունի, այնուամենայնիվ, պետք է լինել խնամված և գեղեցիկ, հատկապես եթե խոսքն առաջին հանդիպման մասին է:

Ի՞նչ տեսք պետք է ունենա աղջիկն առաջին հանդիպման ժամանակ` գեղեցիկ, սեքսուալ, անկրկնելի: Տղամարդկանց այն մասը, ում պաշտպանում են հոգեբաններն ու դիզայիներները, հակված է մտածել, որ աղջիկը, ով պլանավորում է շարունակել հարաբերությունները, առաջին հանդիպման ժամանակ ներկայանում է դասական ռոմանտիկ կերպարով:

Առաջին հանդիպման համար լավագույն տարբերակը կարող է լինել շրջազգեստը կամ կիսաշրջազգեստը` համադրված գեղեցիկ վերնաշապիկի հետ, բարձրակրունկները, արձակված մազերը, իսկ ցուրտ եղանակին՝ վերարկուը, շարֆը, երկար, բայց կոկիկ դիզայնով ձեռնոցը: Դետալները ներկայացնում են քո ճաշակն ու հարմարավետությունը: Եթե բարձրակրունկներով ձեզ անհարմար եք զգում, ավելի լավ է՝ ընտրեք հարմար և ցածր կոշիկներ:

Առաջին հանդիպման համար ամենաանհամապատասխան հագուստը ջինսն է կամ այն տաբատները, որոնք ստվերում են քո կանացիությունը, սեքսուալ կազմվածքը և առաջին հայացքից կապ չեն ստեղծում դիմացինի հետ: Ընդհանուր տեսքը չպետք է լինի ճչացող, աքսեսուարները պետք է գերակշռող չլինեն, դրանք պետք է լրացնեն տեսքը և ոչ թե կրեն ցուցադրական բնույթ: Տղամարդը չպետք է կենտրոնանա ձեր հագուստի վառ գույների կամ խճճված աքսեսուարների մեջ, այլ տարված լինի ձեզնով, նայի ձեր դեմքին, աչքերին, շուրթերին: Չարաշահել դիմահարդարումը պետք չէ, վառ գույներն ավելորդ են, բայց առանց շպարի ներկայանալն էլ հիմարություն կլինի:

Արուսիկ Տիգրանյան