Գերմանիայի քաղաքներում ապրիլի 24-ին կանցկացվեն պահանջատիրության երթեր

 Գերմանիայի հայկական համայնքի նախաձեռնությամբ մի շարք քաղաքներում ապրիլի 24-ին բողոքի երթ է անցկացվելու: Ինչպես «Արմենպրես»-ի հետ զրույցում նշեց «Գերմանիայի հայ ակադեմիականների միության-1860» կազմակերպության նախագահ Ազատ Օրդուխանյանը, Գերմանիայում Հայոց ցեղասպանության 101-րդ տարելիցի միջոցառումներÕ ¨ սկսվելու են ապրիլի 24-ից մի քանի օր առաջ:

Նրա տեղեկացմամբ` ապրիլի 17-ին արդեն խաչքար է կանգնեցվել Արևելյան Գերմանիայի Յենա քաղաքում: Ապրիլի 18-ին Լայպցիգի «Հայ ուսանողների միություն»-ն ու Լայպցիգի «Հայկական միություն»-ը հոգեհանգստի արարողություն կանցկացնեն Լայպցիգի Նիկոլայ եկեղեցում, ապա տեղի կունենա մոմավառություն այդ եկեղեցու բակում:

ՀՀ դեսպանության և «Գերմանա-հայկական ընկերության» ջանքերով ապրիլի 23-ին Բեռլինում կկանգնեցվի խաչքար: Հայկական համայնքը նախատեսում է նաև բողոքի ցույց` Թուրքիայի դեսպանատան մոտ: Կազմակերպիչն է «Ճանաչում աշխատանքային խումբ» հայ-գերմանական կազմակերպությունը, որը ղեկավարում են Թեսա Հոֆմանն ու Ժիրայր Քոչարյանը: Նույն օրը «Գերմանիայի Հայ ակադեմիականների միություն»-ը Բոխում քաղաքի հայկական այգում Հայոց ցեղասպանության զոհերի հիշատակին կտնկի Կապանից Գերմանիա բերված սոսի ծառ: Ապա տեղի կունենա մոմերով և պահանջատիրական պաստ առներով երթ: Ապրիլի 24-ին էլ Շտուտգարտում կկատարվի Տիգրան Մանսուրյանի «Ռեքվիեմ»-ը:

«Մեր գլխավոր ուղերձն է` Հայոց ցեղասպանության ճանաչում, մեր իրավունքների մեկ անգամ ևս հաստատում, այն է `պահանջում ենք արդարություն և փոխհատոցում: Ինչպես գիտեք, հունիսի 2-ին Բունդեսթագում քննարկվելու է Հայոց ցեղասպանության մասին բանաձևը: Արդեն որոշ քաղաքական գործիչներ ելույթներ են ունենում այդ հարցի հետ կապված, ես լսեցի Քրիստոնյա դեմոկրատական կուսակցության ղեկավարի ելույթը: Նա նշել է, որ անկախ Թուրքիայի հետ իրենց ունեցած հարաբերություններից, Գերմանիան պետք է իրերն իր անունով կոչի և ճանաչի Հայոց ցեղասպանությունը»,-ասաց զատ Օրդուխանյանը: Ըստ նրա` պատգամավորների ելույթներում նկատվում է որ առայժմ դրական տրամադրվածություն կա:

«Պետք է նկատել, որ մեծ մասի կողմից հայերի նկատմամբ դրական մոտեցումը միշտ էլ եղել է, բայց քաղաքական կամքի դրսևորման խնդիրը միշտ բարդացնում է գործընթացը, որովհետև Թուրքիան ուժեղ պետություն է, գերմանացիները որոշակի հաշիվներ ունեն դրա հետ»,-ավելացրեց Ազատ Օրդուխանյանը: