Ինչու է կրակել. դատարանի դահլիճում ընթերցել են Պերմյակովի ցուցմունքները

Գյուրիում Ավետիսյանների ընտանիքի անդամների սպանության մեջ մեղադրվող ռուս զինծառայող Վալերի Պերմյակովը հրաժարվեց ցուցմունք տալ դատարանի դահլիճում: Ապրիլի 15-ին Գյումրիի ռուսական ռազմաբազայի տարածքում շարունակվող նիստին դատարանը որոշեց հրապարակել նախաքննական ցուցմունքը:

«Արմենպրես»-ի հաղորդմամբ` դատարանի դահլիճում հնչած հարցին` Պերմյակովը հաստատում է, որ ինքն է հունվարի 12-ին մտել Ավետիսյանների բնակարան, մեղադրյալն  ասաց` այո: Հարցին` նա է ավազակային հարձակման համար սպանել Ավետիսյանների, ասաց. «Հրաժարվում եմ պատասխանել»: Նշեց նաև, որ իրեն չեն ահաբեկել, որևէ բանով կաշկանդված չէ, բայց ցուցմունք չի տա և համաձայն է,որ հրապարակվեն նախաքննական ցուցմունքները: Դատապաշտպան Էդուարդ Աղաջանյանի հարցին, թե ինչպես է առողջական վիճակը, ասաց` նորմալ է:

Հրապարակված առաջին հարցաքննության համաձայն`Պերմյակովը մտել է Ավետիսյանների տուն ջուր խմելու, քննիչի այն հարցին, թե կասկածյալն օգտագործե՞լ է իրեն ամրակցված զենքը, մեղադրյալը պատասխանել է` այո: Երբ ջուրը խմել է ու ցանկացել գնալ` արթնացել է աղջիկը, վերցրել հեռախոսն ու սպառնացել զանգել ոստիկանություն: «Ես էլ, վախենալով, որ կզանգի, կրակեցի: Հետո ամեն ինչ ինքնաբերաբար ստացվեց»,-նշված է եղել ցուցմունքում: Քննիչի այն հարցին, թե քանի մարդու ես կրակել` Պերմյակովն ասել է. «Վեցին, իսկ փոքրին սվին դանակով եմ հարվածել»: Հարցին, թե ինչ մտադր ությամբ, պատասխանը եղել է. «Ոչ մի, ուղղակի ինքնաբերաբար ստացվեց»:

Առաջին ցուցմունքի մեջ նաև նշել է, թե ինչպես է մտել Ավետիսյանների բնակարան և հետո ինչ է իր հետ տարել: Այն հարցին, թե զղջում է արածի համար, ասել է` այո:

Դատարանի դահլիճում հնչել են ինչպես որպես կասկածյալ հարցաքննական ցուցմունքները, այնպես էլ որպես մեղադրյալ: Նշվել է, որ Պերմյակովը Չիտայում ծառայության ընթացքում 8 անգամ լքել է զորամասը, իսկ Գյումրիում զորամասը լքելու պատճառը Չիտա վերադառնալն է եղել: Զենքը տարել է իր հետ, որ կարողանա հագուստ ու գումար վերցնել, հասնել սահման ու հատել այն: Ավետիսյանների տունն ընտրել է պատահաբար: «Աղջկա վրա կրակելուց հետո մյուս սենյակում, որտեղ ամուսիններ էին պառկած, տղամարդը ինչ-որ բան ասաց,  հավանբար` հայերեն, ես կրակեցի: Հաջորդ սենյակում ևս տղամարդ կար, փորձում էր ինչ-որ բան ասել, կրակեցի, ապա երրորդ սենյակում տեսա, որ մահճակալին պառկած կինը փորձում է զանգել հեռախոսով, հետո տեսա մանկական մահճակալի մեջ երեխայի, կրակեցի, երբ ուզեցի դուրս գալ, լսեցի մանկան ճիչ, սվին դանակով հարվածեցի»,-նշված է ցուցմունքում: Քննիչի այն հարցին, թե ինչու կրակեցիր այդ մարդկանց, Պերմյակովը նշել է. «Ինքնաբերաբար է ստացվել»: Իսկ փոքրիկին սվին դանակով է հարվածել, քանի որ ինքնաձիգը արգելափակվել է ու չի ցանկացել, որ տանն այդքանից հետո կենդանի մարդ մնա:

Ավետիսյանների ընտանիքի 6 անդամների սպանությունը տեղի է ունեցել 2015 թվականի հունվարի 12-ին՝ վաղ առավոտյան, ժամը 06:00-ի սահմաններում, նրանց մահըվրա է հասել հրազենային վնասվածքներից։ Ավետիսյանների ընտանիքից ողջ էր մնացել 6 ամսական փոքրիկը՝ Սերյոժա Արմենի Ավետիսյանը, ով կտրող-ծակող< /i>գործիքից ստացած վնասվածքներով տեղափոխվել էր բժշկական կենտրոն, այնուհետև` յոթ օր հետո մահացել: Կասկածյալին ռուս սահմանապահները հայտնաբերել ենհայ-թուրքական սահմանը հատելու փորձ կատարելիս եւ հանձնել 102-րդ ռուսական բազայի հրամանատարությանը:

Քրեական գործը հարուցվել է ՀՀ քրեական օրենսգրքի 104-րդ հոդվածի 2-րդ մասի 1-ին կետով (երկու և ավելի անձանց սպանությունը): Վալերի Պերմյակովին քրեականգործով որպես մեղադրյալ ներգրավելու մասին, և ՀՀ քննչական կոմիտեի քննիչները Վալերի Պերմյակովին  մեղադրանք են առաջադրել Հայաստանի Հանրապետությանքրեական օրենսգրքի 104-րդ հոդվածի 2-րդ մասի 1-ին կետով՝ երկու եւ ավելի անձանց դիտավորյալ սպանության համար: Վալերի Պերմյակովն ընդունել է առաջադրվածմեղադրանքը: Ռուսական կողմում հարուցված քրեական գործով Պերմյակովը դասալքության եւ զենքի ապօրինի կրման համաÖ € օգոստոսի 12-ին դատապարտվել է 10տարվա ազատազրկման: