Վլադիմիր Սպիվակովը և «Մոսկվայի վիրտուոզներ»-ը երկու համերգ կունենան Երևանում

 Աշխարհահռչակ դիրիժոր Վլադիմիր Սպիվակովը և նրա ղեկավարած «Մոսկվայի վիրտուոզներ» պետական կամերային նվագախումբը Հայաստանում հանդես կգան երկու համերգով: «Արմենպրես»-ի թղթակիցը համերգների կազմակերպիչ «Բեմ պրոդաքշն»-ից պարզել է « Արամ Խաչատրյան» համերգասրահում կայանալիք երկու համերգների ծրագրերը:

Ապրիլի 28-ին երաժիշտների կատարմամբ  կհնչեն Վ. Ա. Մոցարտի, Լ. Բոկերինիի, Յո. Հայդնի, Դ. Շոստակովիչի գործերը: Երեկոյի ընթացքում որպես մենակատար հանդես կգա Ալեքսանդրա Ստիչկինան (դաշնամուր):

Ապրիլի 29-ի համերգային ծրագրում կներկայացվեն Վ. Ա. Մոցարտի, Պ. Չայկովսկու, Ջ. Ռոսինիի, Ա. Պիացոլայի գործերը: Որպես մենակատարներ երեկոյի ընթացքում ելույթ կունենան ջութակահարներ Դենիս Շուլգինը, Լեվ Իոմդինը, Գեորգի Ցայը, Եվգենի Ստեմբոլսկին և ակորդեոնահար Նիկիտա Վլասովը:

Դիրիժոր, ջութակահար, «Մոսկվայի վիրտուոզներ» նվագախմբի գեղարվեստականղեկավար Վլադիմիր Սպիվակովը ծնվել է 1944 թվականի սեպտեմբերի 12-ին, Ուֆաքաղաքում: Պատերազմից հետո Սպիվակովի ընտանիքը վերադարձել է Լենինգրադ,որտեղ մայրը դասավանդել է երաժշտական դպրոցում: 1955 թվականին ՎլադիմիրՍպիվակովը հաշվառվել է Լենինգրադի կոնսերվատորյային կից դպրոցում, որտեղաշակերտել է Լ. Մ. Սիգալին և Վ. Ի. Շերային: 1963 թվականին ավարտել է Մոսկվայիկոնսերվատորյային կից կենտրոնական երաժշտական դպրոցը: Սովորել է Մոսկվայիկոնսերվատորյայի Յու. Յանկելևիչի դասարանում: Որպես դիրիժոր հանդես է գալիս 1965 թվականից: Ամուսնացած է հայ ջութակահար, դիրիժոր Զարեհ Սահակյանցիդստեր` Սաթենիկ Սահակյանցի հետ: