Ծնողներին ի գիտություն․ ահա թե ինչու չի կարելի երեխաներին Նուրոֆեն տալ ջրծաղիկի ժամանակ (լուսանկարներ)

Հայլի անունով կինը Ֆեյսբուքի իր էջում գրել է․ «Ջրծաղիկը հաճախ է հանդիպում երեխաների մոտ, դրա համար ցանկանում եմ զգուշացնել ծնողներին՝ երբեք այդ հիվանդության ժամանակ երեխաներին Նուրոֆեն/Իբուպրոֆեն չտաք»։

Կինը պատմում է, որ ինքը 4 տարբեր բժիշկների է դիմել, եւ 4-ն էլ երեխային իբուպրոֆեն պարունակող դեղամիջոցներ են նշանակել։ Որոշ ժամանակ անց մայրը նկատում է, որ երեխայի վիճակը վատանում է։ Ջերմությունն ավելի է բարձրանում, իսկ մարմնի վերքերը խորանում են։ Բժիշկներն ասում են, որ ջրծաղիկի ժամանակ հենց այդպես էլ պետք է լինի, սակայն Հայլին նրանց հետ չի համաձայնվում։

Արդյունքում կինը պարզում է, որ Նուրոֆենը, որ հակաբորբոքային միջոց է, ջրծաղիկի դեպքում ոչ մի կերպ չի կարելի օգտագործել, քանի որ արդյունքում մարմնի ցանը խորանում է։ Հայլիի որդու՝ Լյուիսի մոտ արդյունքում արյան վարակ է սկսվել, բարեբախտաբար, հենց սկզբում հայտնաբերվել է, երեխան հիվանդանոց է տեղափոխվել։

Հայլին Նուրոֆենի պաշտոնական կայքում գտել էր, որ այս դեղը հակացուցված է ջրծաղիկի դեպքում։ Այժմ նա ասում է՝ իսկ բժիշկները ինչո՞ւ են ռիսկի ենթարկում երեխաների կյանքն ու նրանց նշանակում այդ դեղը ջրծաղիկի ժամանակ։ Կինն ասում է, որ իր պարտքն է համարում այս ամենի մասին տեղյակ պահել մյուս ծնողներին, որպեսզի եթե նրանց երեխաները ջրծաղիկով հիվանդանան, ծնողներն իմանան՝ ինչ անել։