Քեմերոնը հավաստել է, որ պաշտոնաթող չի լինի ԵՄ-ի կազմից Մեծ Բրիտանիայի դուրս գալու դեպքում

Մեծ Բրիտանիայի վարչապետ Դեւիդ Քեմերոնը մտադիր չԷ պաշտոնաթող լնել, եթե Բրյուսելի հետ հարաբերությունների շուրջ առաջիկա հանրաքվեում երկրի բնակիչները որոշում ընդունեն Եվրամիության կազմից Թագավորության դուրս գալու վերաբերյալ: Այդ մասին, ինչպես տեղեկացնում Է «Արմենպրես»-ը, հայտարարել Է քաղաքական գործիչն ինքը՝ հանդես գալով խորհրդարանում:

Պատասխանելով պատգամավորներից մեկի այն հարցին, թե վարչապետը «բրիտանական ժողովրդի կամքն իրականացնելու» համար կմնա արդյոք իր պաշտոնում հանրակցությանը Մեծ Բրիտանիայի անդամակցության դադարեցման դեպքում, Քեմերոնը սահմանափակվել Է համառոտ պատասխանով. «Այո»: 

Ավելի վաղ Մեծ Բրիտանայի ղեկավարն արդեն հայտարարել Էր, որ իր քաղաքական ապագան կախված Է ոչ թե առաջիկա հանրահարցման ելքից, այլ «այդ քվեարկությունն անցկացնելու» կարողությունից: Բացի այդ, Քեմերոնը հասկանալ Է տվել, որ եթե հանրաքվեի արդյունքից կախված լիներ իր կարիերան, ապա դա կարող Էր խանգարել քվեարկության օբյեկտիվությանը, ինչին «բոլորն են ձգտում»: 

Մինչդեռ Եվրամիությունից Մեծ Բրիտանիայի դուրս գալու կողմնակիցների թիվը ներկայում երկու տոկոսով գերազանցում Է այդ քայլի հակառակորդների թվաքանակը, ինչի մասին վկայում են հասարակական կարծիքի հարցման արդյունքները, որը ICM սոցիոլոգիական ծառայությունն անցկացրել Է հանրակցությանը հետագա անդամակցության հարցի շուրջ Միացյալ Թագավորությունում նշանակված համազգային հանրաքվեի նախաշեմին:

Ապրիլի 8-10-ն անցկացված հարցման տվյալներով՝ ավելի քան 2 հազար առցանց-հարցվածների 43 տոկոսը պաշտպանել Է ինտեգրացիոն գաղափարը, ԵՄ-ին անդամակցությանը դեմ Է արտահայտվել 45 տոկոսը, հարցվածների եւս 12 տոկոսը դեռեւս չի ճշտել իր դիրքորոշումը: ICM-ի կարծիքով, ներկայիս տվյալները վկայում են այն բրիտանացիների թվի շարունակվող կրճատման մասին, ովքեր հանդես են գալիս երկիրը ԵՄ-ի կազմում պահպանելու օգտին:

Նախորդ համանման հարցումն ընկերությունն անցկացրել Է ապրիլի առաջին օրերին: Այն ժամանակ ԵՄ-ից դուրս գալու օգտին հանդես Էր գալիս հարցվածների 43 տոկոսը: Ակներեւ միտումը մատնանշում են նաեւ մյուս հարցումները: Ipsos Mori ծառայության տվյալներով, վերջին շաբաթների ընթացքում Եվրամիությանը Միացյալ Թագավորության անդամակցության օգտին արտահայտվող բրիտանացիների թիվը 54 տոկոսից կրճատվել Է մինչեւ 49 տոկոս:

ԵՄ-ին Մեծ Բրիտանիայի հետագա անդամակցության հարցի շուրջ հանրաքվեն նշանակված Է հունիսի 23-ին, հաղորդել Է ՏԱՍՍ-ը: