«Ինը արժեքների գավաթ». Հայաստանը ևս կարող է մասնակցել քվեարկությանը

 «Ֆուտբոլը բարեկամության համար» ծրագրի չորրորդ մրցաշրջանի շրջանակում սկսվել է «Ինը արժեքների գավաթ» մրցանակի համար քվեարկությունը: Այս մասին «Արմենպրես»-ին տեղեկացրին ՀՖՖ մամուլի քարտուղարությունից: Հաղթողի ընտրության համար կատարվող քվեարկությանը կա րող են մասնակցել բոլորը:

Առաջին փուլում՝ մինչև ապրիլի 25-ը, բոլոր ցանկացողները կարող են անվանակարգել ցանկացած ակումբ, որն իրենց կարծիքով արժանի է այս մրցանակին. Դրա համար նրան անհրաժեշտ է կիսվել «Ֆուտբոլը բարեկամության համար» ծրագրի պաշտոնական էջի հրապարակումով ֆեյսբուքում և ավելացնել անվանակարգված ակումբի անվանումով հեշթեգը:

«Ինը արժեքների գավաթ» մրցանակը ամեն տարի տրվում է որևէ պրոֆեսիոնալ ֆուտբոլային ակումբի «Ֆուտբոլը բարեկամության համար» երեխաների միջազգային ֆորումի շրջանակներում: Գավաթն ընդգրկում է այն ակումբները, որոնք ցուցաբերում են մեծագույն  նվիրվածություն «Ֆուտբոլը բարեկամության համար» ծրագրի բոլոր արժեքներին` ընկերություն, հավասարություն, արդարություն, առողջություն, խաղաղություն, նվիրվածություն, հաղթանակ, ավանդույթներ և արժանապատվություն:

Մրցանակակիր ակումբը որոշվում է ծրագրի մասնակիցների կողմից, որոնք հանդես են գալիս, որպես ծրագրի արժեքները ներկայացնողերիտասարդ դեսպաններ: Բոլոր մասնակիցները քվեարկում են այն ակումբի օգտին, որը նրանց կարծիքով հասել է մեծագույն նվաճումների ինչպես սպորտում, այնպես էլ բարություն սփռելուգործում:

Այս տարի «Գազպրոմ» ընկերության կողմից իրականացվող ծրագրին մասնակցում է նաև Հայաստանը, որը Միլանում տեղի ունենալիք ծրագրի միջագզային ֆորումին ներկայացված կլինի ՀՖՖ Տեխնիկական կենտրոնի՝ Ֆուտբոլի ակադեմիայի 12-14 երեխաներից կազմված թիմով: Ֆուտբոլի ակադեմիան ընտրվել է կազմակերպիչների կողմից՝ մանկապատանեկան ֆուտբոլի զարգացմանը նպաստելու և տարածաշրջանում եզակի ենթակառուցվածքներ ունենալու համար: