Մուգ շուրթերից ձերբազատվելու փորձված տարբերակ

Life.panorama.am-ը գրում է.

 

Վարդագույն, փափուկ շուրթերը յուրաքանչյուր կնոջ երազանքն են։ Գեղեցիկ շուրթերն առավել գեղեցիկ են դարձնում ժպիտը։ Սակայն մուգ և պիգմենտացված շուրթերն իսկական խնդիր են դարձել գեղեցկության համար, որոնց պատճառ կարող է լինել սուրճ խմելը, արևի ճառագայթները, ինչպես նաև ծխելը։ 

 

Շուրթերի համար նախատեսված թանկարժեք սկրաբների փոխարեն կարելի է փորձել բնական միջոցները, որոնք կօգնեն ազատվել մուգ շուրթերից և պիգմենտացիայից։

 

1․Կիտրոն և մեղր

Խառնել նույն քանակությամբ մեղր և կիտրոնի հյութ ու քսել շուրթեին։ Պահել մոտ 1 ժամ և մաքրել փափուկ, խոնավ կտորով։ Այս պրոցեդուրան կարելի է կատարել այնքան՝ մինչև հասնեք Ձեր ցանկալի արդյունքին։ Եթե պատրաստված չափաբաժինը շատ է ստացվել, ապա այն կարելի է պահել սառնարանում մինչև 1 շաբաթ և օգտագործել։

 

2․ Գլիցերին  

Շուրթերի գունափոխումը կարող է լինել չորության պատճառով, որն էլ կարող է առաջացնել պիգմենտացիա։ Շուրթերը փափկեցնելու համար անհրաժեշտ է քնելուց առաջ շուրթերին բամբակով քսել գլիցերին, որը կխոնավեցնի շուրթերը և կազատի անցանկալի խնդրից։

 

3․Մարմնի հիդրատացում

Արտաքին պրոցեդուրաները պետք է ուղեկցել նաև օրգանիզմը մշտապես հիդրատացված պահելով՝ օրական խմելով 8-ից 10 բաժակ ջուր։

 

4․ Նուշի յուղ

Քնելուց առաջ շուրթերին քսել  նուշի յուղ, որը կբացացնի շուրթերի գույնը և կփափկեցնի։

 

5․Վարունգի հյութ

Վարունգի հյութի ամենօրյա կիրառումը ևս կօգնի ազատվել մուգ շուրթերից։