Լատվիացի խորհրդարանականը Եռաբլուրում հարգեց Ադրբեջանի ագրեսիային զոհ գնացած հայորդիների հիշատակը

 Լատվիայի խորհրդարանի պատգամավոր Սերգեյ Պոտապկինը Եռաբլուր զինվորական պանթեոնում հարգանքի տուրք մատուցեց Ադրբեջանի կողմից սանձազերծած ագրեսիայի հետևանքով զոհվածների հիշատակին: Պատգամավորը ՀՀ Ազգային ժողովի նախագահի տեղակալ Էդուարդ Շարմազանովի ուղեկցությամբ շրջեց Եռաբլուրի տարածքում, ծաղիկներ խոնարհեց սպարապետ Վազգեն Սարգսյանի և զորավար Անդրանիկ Օզանյանի շիրիմներին:  

«Այս հուշահամալիրում տեղին է լռությունը և զոհվածների առջև գլուխ խոնարհելը: Ամենասարսափելին, որ կարելի է պատկերացնել, այն է, երբ մարդիկ սովոր են խաղաղ կյանքին, ապագայի համար պլաններ են մշակում, և արթնանում են կրակոցների, կրակահերթերի ձայներից: Իհարկե, կասկած չկա, որ ամեն ինչ արագ ժամկետներում պետք է ավարտվի: Բոլոր երկրների դիրքորոշումը պետք է միանշանակ լինի, այն է` կոչ անհապաղ դադարեցնելու կրակն ու պահպանելու հրադադարը»,- «Արմենպրես»-ի փոխանցմամբ` նշեց նա:  

Սերգեյ Պոտապկինը հույս ունի, որ այս տեղում նոր գերեզմաններ չեն լինի: «Իմ այցը պլանավորված չէր, պայմանավորված է Լեռնային Ղարաբաղում հակամարտության սրմամբ, և ես այստեղ եմ` տեսնելու, թե ինչ է կատարվում, կողմնորոշվել ոչ թե թերթային վերնագրերով, այլ տեսնելու սեփական աչքերով, սեփական տպավորությունս կազմելու և խոսել այն մարդկանց հետ, ովքեր տեսել են, մասնակցել դեպքերին»,-շեշտեց պատգամավորը:

[gallery id= 56800]

Ապրիլի 1-ի լույս 2-ի գիշերը և առավոտյան Ադրբեջանը ղարաբաղա-ադրբեջանական հակամարտ զորքերի շփման գծի ողջերկայնքով ձեռնարկել է լայնածավալ նախահարձակ գործողություններ, որոնց ընթացքում հրթիռահրետանային արկակոծման ենենթարկվել ոչ միայն հայկական զինուժի պաշտպանական դիրքերը, այլև խաղաղ բնակավայրերը: Ադրբեջանական զինուժիկողմից ապրիլի 2-ին Մարտունու ուղղությամբ ՄՄ-21 («Գրադ») կայանքից իրականացված հրթիռահրետակոծության հետևանքովսպանվել է 12-ամյա Վաղինակ Գրիգորյանը, ևս երկու երեխա վիրավորվել են: Ավելի ուշ Ստեփանակերտի հիվանդանոց ենտեղափոխվել ևս չորս վիրավոր քաղաքացիական անձինք: Իսկ ապրիլի 3-ին հայտնի դարձավ, որ Թալիշում նախօրեինադրբեջանցիները գազանաբար գնդակահարել, խոշտանգել ու խեղել են երեք խաղաղ բնակիչների: Հայկական կողմը 46 կորուստունի, 19 զինծառայող անհայտ կորած է, 122 մարդ` վիրավոր:

Լեռնային Ղարաբաղի Պաշտպանության բանակի ժամանակին և արհեստավարժ գործողությունների շնորհիվ հնարավոր է եղելիրավիճակը վերցնել վերահսկողության տակ և զգալի կորուստներ պատճառել հակառակորդին. ապրիլի 1-5-ը տեղի ունեցածմարտական գործողությունների ընթացքում ադրբեջանական զինուժը տվել է ավելի քան 300 կորուստ (որոշտեղեկություններով`զոհերի ու վիրավորների թիվը նշվում է 2000), ոչնչացվել է 24 տանկ, 3 հետևակի մարտական մեքենա, 1ինժեներական տեխնիկա, 2 ուղղաթիռ, 8անօդաչու սարք, 1ՄՄ 21ռեակտիվ հրետանու մարտական մեքենա:

Ապրիլի 5-ին՝ ժամը 12:00-ին, շփման գծում դադարեցվել է կրակը` Հայաստանի և Ադրբեջանի ԶՈՒ գլխավոր շտաբների պետերի`Մոսկվայում ձեռք բերած պայմանավորվածության համաձայն:

Ապրիլի 8-ին ժամը 15:00-20:00-ն Կարմիր Խաչի միջազգային կոմիտեի և ԵԱՀԿ Մինսկի խմբի գործող նախագահի անձնականներկայացուցչի դաշտային օգնականների միջնորդությամբ կողմերն իրականցրել են զոհվածների որոնողական աշխատանքներ,որոնք արդյունքում հայտնաբերվել են ՊԲ երկու զինծառայողների մարմիններ: