Այն սպասելիքները, որ ունեինք, չիրականացվեցին. Վահրամ Բաղդասարյանը՝ ԵՏՄ երկրների մասին

Ազգային ժողովում ճեպազրույցների ժամին լրագրողները Վահրամ Բաղդասարյանին խնդրեցին մեկնաբանել Սերժ Սարգսյանի՝ Գերմանիայում արած այն հայտարարությանը, թե Հայաստանը երբեք դեմ չէ եղել խաղաղպահաների տեղակայմանը: ՀՀԿ խմբակցության ղեկավարն ասաց, որ հայկական կողմը որգևորված չէ, այդ մասին որոշում էլ չկա, պարզապես կան քննարկումներ: Պատասխանելով դիտարկմանը, թե հենց 1994-ին հենց հայկական կողմի ջանքերով էր, որ խաղաղապահ ուժեր չտեղակայվեցին, Բաղդասարյանն ասաց, որ հայկական կողմը երբեք խաղաղապահ ուժերի տեղակայման համար չի խնդրի, բայց եթե միջազգային հանրությունը պնդում է, ապա հայկական կողմը կքննարկի:

Արդյո՞ք ՀՀ-ն կվերանայի ՀԱՊԿ-ի և ԵՏՄ-ի անդամակցությունը, հաշվի առնելով Սերժ Սարգսյանի այն հայտարարությունը, թե ՀՀ-ն հովանավորներ չունի, հարցին պատգամավորը պատասխանեց այսպես. «ՀԱՊԿ-ի հետ կապված՝ անդամ որոշ երկրների հայտարարութունները հեղինակազրկում են այդ կառուցը: Այն սպասելիքները, որ ունեինք, չիրականացվեցին և այդ պայմաններում չենք կարող նրանց հովանավորի անվանակոչել: Մեր հույսը պետք է դնենք մեզ վրա հորդորել և հորդում եք, որ եթե կառույց կա, ուրեմն պետք է լինի միասնական, հակառակ դեպքում լուրջ վտանգի տակ է այդ կառույցն ու նրա հեղինակությունը: Մենք մեր հույսը պետք է դնենք մեր ժողովրդի մոբիլիզացիայի վրա, որևէ բանակցության, որևէ երկրի վրա հարկավոր չէ հույս դնել»:

Լիլիթ Լալայան