Արցախյան մարտերի առնչությամբ Քարդաշյան քույրերի գրառումը սոցցանցերում տեսել է 175 միլիոն մարդ. Global News

«Արդյոք Քիմ և Քլոե Քարդաշյանների` աղոթելու մասին թվիթերյան գրառումները կանխեցին հայ-ադրբեջանական պատերազմը: Իհարկե` ոչ: Սակայն «Թվիթեր»-ում և «Ինստագրամ»-ում հետևորդների մեծ թիվ ունեցող ռեալիթի շոուի աստղ քույրերը շուրջ 175 միլիոն մարդու համար լույս սփռեցին Լեռնային Ղարաբաղի Հանրապետությունում տիրող բռնության վրա»,- այս տողերով է հրապարակումն սկսել կանադական Global News պարբերականը:

Լրատվամիջոցը գրում է, որ «Ֆեյսբուքում» Քիմի գրառումը` «Աղոթում եմ Հայաստանում և ողջ աշխարհում բոլորի համար», 28 միլիոն մարդու համար տեսանելի դարձավ:

«Երբ խոսում են գլոբալ հակամարտությունների մասին, ինչպիսիք են Սիրիայում պատերազմը կամ իրադրությունն Ուկրաինայում, Լեռնային Ղարաբաղն առանձնապես մեծ ուշադրություն իր վրա չի սևեռում: Սակայն երկար տարիներ ի վեր այն չի հանգստանում»,- նշում է լրատվամիջոցը` ներկայացնելով վերջին բախումների հետևանքներն ու փաստելով, որ հրադադարի այս խախտումն ամենալայնամասշտաբն էր 1994 թվականից ի վեր:

Global News-ը նշում է, որ Քարդաշյան քույրերը Հայաստանի նկատմամբ հետաքրքրություն են ցուցաբերում, քանի որ նրանց հայրը` Ռոբերտ Քարդաշյանը, հայ էր` Հայոց ցեղասպանությունը վերապրածների երրորդ սերունդ: Լրատվամիջոցը փաստում է, որ ԼՂ շփման գծում իրադարձությունների առնչությամբ Քարդաշյանների արած գրառումներով կիսվել կամ դրանք մեկաբանել են 870 հազար մարդ: Որոշ դեպքերում դրանք բանավեճեր են առաջացրել գրառման կողմնակիցների և ընդդիմացողների միջև:

«Ինստագրամ» սոցիալական ցանցում 66 միլիոն հետևորդ ունեցող ամերիկահայ հայտնի հեռուստաաստղ Քիմ Քարդաշյանը հայ ժողովրդինսատարող գրառում էր թողել` ընդգծելով, որ աղոթում է Հայաստանի համար: «Աղոթում եմ բոլորի համար` Հայաստանում և ողջ աշխարհում:Աղոթիր խաղաղության համար»,-գրել է Քարդաշյանը` օգտագործելով #PrayForPeace հեշթեգը: Քիմ Քարդաշյանը տեղադրել էր Հայաստանի դ րոշնու ՀՀ զինված ուժերի զինտեխնիկա պատկերող լուսանկար: Նա նույն գրառումը կատարել էր նաև «Ֆեյսբուքում», որտեղ 28 միլիոնից ավելիհետևորդ ունի:

Քիմ Քարդաշյանից բացի «Թվիթեր»-ի իրենց միկրոբլոգներում գրառումներ էին կատարել նաև նրա քույրերը` Քլոեն և Քորթնին`նշելով.

«Աղոթում ենք Հայաստանի համար»: