Բժիշկները նշել են առողջության համար ամուսնու մահվամբ պայմանավորված հետեւանքները

 Բժիշկները նշել են առողջության համար այն հետեւանքները, որոնք կարող են վրա հասնել ամուսնու կորստից հետո եւ առանձնապես վտանգավոր են 60 տարին բոլորած մարդկանց համար: Հեղինակների հետազոտությունը հրապարակվել Է Open Heart հանդեսում:  

Գիտնականների կարծիքով՝ ամուսնու կորուստը կապված Է նախասրտերի թելիկախաղերի (սրտի կծկումների սխալ մեխանիզմ) զարգացման հնարավորության հետ: Ամուսնու կորուստն արդեն առաջին ամսում միջին հաշվով 57 տոկոսով մեծացնում Է այդ հիվանդության զարգացման ռիսկը (նախկինում առողջների մոտ): 

Ամուսինների մոտ սրտխփոցների առավել բարձր հաճախություն նկատվել Է ամուսնու կամ կնոջ կորստից հետո առաջին երկու շաբաթվա ընթացքում, այնուհետեւ, որպես կանոն, այն թուլացել Է ընդհուպ մինչեւ ֆիզիլոգիապես ընդունելի ցուցանիշներ: Գիտնականները խուսափում են հաճախացած սրտխփոցի առաջացման ռիսկի եւ ամուսիններից մեկի մահվան միջեւ պատճառահետեւանքային կապեր նշելուց, սակայն չեն բացառում, որ երկրորդն ազդում Է առաջինի վրա, մասնավորապես, սթրեսի պատճառով: 

Գիտնականներն իրենց եզրակացություններին հանգել են՝ վերլուծելով թրթռական առիթմիա ունեցող 88 հազար 612 մարդկանց եւ 886 հազար 120 առողջ մարդկանց տվյալները: Մասնակիցներն ընտրվել են ըստ սեռի, տարիքի, հիվանդությունների  եւ 1995-ից մինչեւ 2014 թվականն ընկած ժամանակամիջոցում մերձավորների կորստի: