Հունաստանում հազարավոր միգրանտներ ապաստանի խնդրագրեր են տալիս, որպեսզի Թուրքիա չվերադառնան

Հունաստանում հազարավոր միգրանտներ ապաստան ստանալու խնդրագրեր են տալիս, որպեսզի ձգձգեն իրենց Թուրքիա վերադարձնելու գործընթացը: Այդ մասին, ինչպես տեղեկացնում Է «Արմենպրես»-ը, գրել Է Proto Thema թերթի Էլեկտրոնային տարբերակը:

Միայն Լեսբոս կզղու Մորիա ճամբարում ապաստան տրամադրելու խնդրագրեր Է ներկայացրել շուրջ երկու հազար միգրանտ: Այս կերպ նրանք Թուրքիա իրենց վերադարձման ընթացակարգը կասեցրել են դիմումների քննարկման ժամակահատվածում: Հաշվի առնելով խնդրագրեր տալու զանգվածային բնույթը, դրանց ուսումնասիրման գործընթացը կարող Է տեւել ամիսներ:

Զգուշանալով Թուրքիա արտաքսվելուց՝ վերաբնակիչները Պիրեյ նավահանգստում հրաժարվում են երկրի ժամանակավոր տեղավորման կենտրոններ տեղափոխվելուց, որտեղից Էլ պլանավորվում Է նրանց ուղարկումը հարեւան երկիր: Ապրիլի 3-ին նավահանգիստ Է ժամանել երեք ավտոբուս, որոնք միգրանտներին եւ փախստականներին Պիրեյից պետք Է տեղափոխեին Աթենքի Էլեոնաս շրջանում գտնվող ժամանակավոր կենտրոն:

Վերաբնակիչներից ոչ մեկը նավահանգստից հեռանալու ցանկություն չի հայտնել, որտեղ նրանք հարկադրված Էին գիշերել, լավագույն դեպքում, վրաններում, եւ հայտնվել իրենց կարիքների համար սարքավորված ճամբարում:

Ապրիլի 4-ին միգրանտների առաջին խումբն Է ժամանել Թուրքիա Եվրամիության հետ համաձայնագերի շրջանակներում: Sky News Arabia հեռուստաալիքի տվյալներով՝ 202 փախստականներ եւ միգրանտներ Հունաստանի Լեսբոս եւ Խիոս կղզիներից ժամանել են Թուրքիայի Իզմիրի նահանգի Ջիքիլի քաղաք:

Ապրիլի 4-ից ուժի մեջ Է մտել Սիրիայից փախստականների փոխարեն Թուրքիայի տարածքով Եվրոպա ժամանած անօրինական միգրանտների վերադարձման սխեման: Օրինական փախստականներով անօրինական միգրանտների փոխանակումը պետք Է իրականացվի «մեկը մեկի դիմաց» սկզբունքով: 

Ըստ համաձայնությունների՝ Թուրքիա վերադարձված յուրաքանչյուր սիրիացու փոխարեն ԵՄ-ն պարտավորվում Է ընդունել Սիրիայի մի քաղաքացու, որն արդեն գտնվում Է այդ երկրում: Առաջնահերթությունը պետք Է տրվի նրանց, ովքեր չեն փորձել անօրինականորեն ներթափանցել Եվրամիության տարածք, հաղորդել Է ՏԱՍՍ-ը: