Ադրբեջանը փորձում է շեղել ուշադրությունը երկրի տնտեսական ճգնաժամից. Մաքսիմ Շևչենկո

Լեռնային Ղարաբաղի հետ շփման գծում ադրբեջանական կողմի գործողությունները կարող են Ադրբեջանում տնտեսական ծանր իրավիճակի արդյունք լինել: «Ադրբեջանական կողմը փորձում է երկրում տիրող սոցիալ-տնտեսական ճնաժամից ուշադրությունը շեղել և ստեղծել որոշակի հայրենասիրականտրամադրություն»,- նշեց ՌԴ Հանրային պալատի անդամ, «Ժամանակակից աշխարհի քաղաքականության և կրոններիռազմավարական հետազոտությունների կենտրոն»տարածաշրջանային հասարակական կազմակերպությանղեկավար Մաքսիմ Շևչենկոն «Արմենպրես»-ի հետ զրույցում:

Փորձագետի համար հակամարտության թեժացումը սպասելի էր: «Խնդիրը նոր չի ծագել և մի քանի տարի է, ինչ ձգվում է»,- ընդգծեց նա: Շևչենկոյի կարծիքով՝ խնդրով հետաքրքրված բոլոր կողմերը պետք է գործադրեն բոլոր ջանքերը` խնդիրը խաղաղ ճանապարհով լուծելու համար: Պետք է թույլ չտալ, որ մարտական գործողություններն ավելի սրվեն և դրությունը չվերաճի լայնամասշտաբ պատերազմի:

Ապրիլի 1-ի լույս 2-ի գիշերը և առավոտյան հակառակորդը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել էլայնածավալ նախահարձակ գործողություններ, որոնց ընթացքում հրթիռահրետանային արկակոծման են ենթարկվում ոչ միայն հայկական զինուժի պաշտպանականդիրքերը, այլև խաղաղ բնակավայրերը: Ըստ ՊԲ օպերատիվ տվյալների, ադրբեջանական զինուժի կողմից ապրիլի 2-ին ժամը 08:30-ի սահմաններում Մարտունուպաշտպանական ուղղությամբ ՄՄ-21 («Գրադ») կայանքից իրականացված հրթիռահրետակոծության հետևանքով սպանվել է 2004թ. ծնված Վաղինակ ԹաթուլիԳրիգորյանը, ևս երկու երեխա վիրավորվել են: ՊԲ առաջապահ ստորաբաժանումները պաշտպանական հաջող մարտեր են իրականացնում առաջնային գծի բոլորուղղություններով՝ հակառակորդին պատճառելով կենդանի ուժի և զինտեխնիկայի զգալի կորուստներ: ՊԲ օպերատիվ տվյալների համաձայն՝ հայկական զինված ուժերըխոցել են հակառակորդի երկու մարտական ուղղաթիռ, ոչնչացրել երեք տանկ և երկու անօդաչու սարք: ՀՀ պաշտպանության նախարարությունը մշտական կապի մեջէ միջազգային կազմակերպությունների և օտարերկրյա պետությունների ռազմադիվանագիտական ներկայացուցիչների հետ՝ ղարաբաղա-ադրբեջանական ուժերիշփման գծում իրադրության զարգացման վերաբերյալ տեղեկ ատվության փոխանակման և անհրաժեշտ խորհրդակցությունների նպատակով: