Ադրբեջանում խուճապ է. սոցցանցերում մեղադրում են այդ երկրի իշխանություններին

 Ադրբեջանում խուճապային տրամադրություններն այլևս թաքցնել հնարավոր չէ: Ադրբեջանցի օգտատերերը ղարաբաղա-ադրբեջանական շփման գծում տեղի ունեցող իրադարությունների առնչությամբ սոցիալական ցանցերում մեղադրում են ադրբեջանական իշխանություններին ադրբեջանցի զինվորների կորուստների համար: Ինչպես հաղորդում է «Արմենպրես»-ը, օգտատերերից մեկը գրառում է կատարել այն մասին, որ Ադրբեջանի զինուժը վերջին բախումներում շուրջ 100 զինվորի կորուստ է ունեցել:

Օգտատերերից մյուսն էլ հայտնել է, որ Թարթառի բնակչությանը տարհանում են` տարակուսանք հայտնելով, թե ինչու լրատվամիջոցներն այդ մասին չեն գրում: Կից ներկայացվում է Թարթառի բնակչության տարհանման տեսանյութ:

Ապրիլի 1-ի լույս 2-ի գիշերը և առավոտյան հակառակորդը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել լայնածավալ նախահարձակ գործողություններ, որոնց ընթացքումհրթիռահրետանային արկակոծման են ենթարկվում ոչ միայն հայկականզինուժի պաշտպանական դիրքերը, այլև խաղաղ բնակավայրերը: Ըստ ՊԲօպերատիվ տվյալների, ադրբեջանական զինուժի կողմից ապրիլի 2-ին ժամը08:30-ի սահմաններում Մարտունու պաշտպանական ուղղությամբ ՄՄ-21 («Գրադ») կայանքից իրականացված հրթիռահրետակոծության հետևանքով սպանվել է 2004թ. ծնված Վաղինակ Թաթուլի Գրիգորյանը, ևս երկու երեխավիրավորվել են: ՊԲ առաջապահ ստորաբաժանումները պաշտպանական հաջող մարտեր են իրականացնում առաջնային գծի բոլոր ուղղություններով՝հակառակորդին պատճառելով կենդանի ուժի և զինտեխնիկայի զգալի կորուստներ: ՊԲ օպերատիվ տվյալների համաձայն՝ հայկական զինված ուժերըխոցել են հակառակորդի երկու մարտական ուղղաթիռ, ոչնչացրել երեք տանկ և երկու անօդաչու սարք: ՀՀ պաշտպանության նախարարությունը մշտական կապի մեջ է միջազգային կազմակերպությունների և օտարերկրյա պետությունների ռազմադիվանագիտական ներկայացուցիչների հետ՝ ղարաբաղա-ադրբեջանական ուժերի շփման գծում իրադրության զարգացման վերաբերյալտեղեկատվության փոխանակման և անհրաժեշտ խորհրդակցությունների նպատակով: