Հայկական շոու-բիզնեսի հայկական իրականությունը` պարադոքսալ ու անբացատրելի, անհասկանալի ու անտրամաբանական. Մհեր և Հայկ Կասպարով

Հայկական շոու-բիզնեսում հարաբերությունները միշտ էլ ուղեկցվում են սկանդալներով ու անընդհատ ուշադրություն գրավող խոսակցություններով: Այստեղ սկանդալներն ու վեճերը պարզապես անխուսափելի են: Հերթական սկանդալը եղավ տարիներ առաջ երգիչներ Հայկ Կասպարովի և Մհերի միջև:

Տարիներ առաջ, երբ երգիչ Մհերը հարցազրույց էր տալիս ամսագրերից մեկին, ասել էր, թե իր չսիրած երգիչը Հայկն է:

Այս թեմային անդրադարձել են երկու երգիչներն էլ: Հայկը հարցազրույցներից մեկի ժամանակ նշել է. «Երբ Մհերը նոր էր սկսել իր գործունեությունը, ամսագրերից մեկի հարցազրույցներից մեկի ժամանակ ինձ էր նշել իր չսիրած երգիչների շարքում: Անկեղծ ասած՝ նրա կարծիքը ինձ համար այդքան էլ կարևոր չէ և չի հետաքրքրում: Ինձ թվում է՝ նա իր ուժերը շատ է գերագնահատում»:

Մհերն իր հերթին ևս անդրադարձ է կատարել այս թեմային և նշել, որ իսկապես ասել է նման բան:

«Էական չէ, թե որ ամսագրի հարցազրույցի ժամանակ եմ ասել, պարզապես նշել եմ, որ չեմ հասկանում Հայկ Կասպարով երգչի գործունեությունը: Բնականաբար, այստեղ որևէ անձնային բան նկատի չեմ ունեցել և չեմ էլ կարող ունենալ»,- ասել է նա:

Եկավ ժամանակ, երբ երկու երգիչներն էլ սկսեցին մասնակցություն ունենալ երաժշտական նախագծերից մեկում, որի ժամանակ էլ Մհերը մոտենում է Հայկին և ներողություն խնդրում. «Ես կարծեցի, որ ժամանակն է, որպեսզի այդ լարված իրավիճակն անցնի, մոտեցա և ասացի՝ եթե քեզ վիրավորել եմ, չնայած ես դա որպես վիրավորանք չեմ ընդունում, թող որ ամեն բան անցած լինի»:

Մհերի այդ քայլին հաջորդեց Հայկի պատասխանը. «Ես քեն չեմ պահում, բայց, բնականաբար, չեմ կարող մտերմանալ այն մարդու հետ, ով ինձ վիրավորել է: Նման մարդկանցից պարզապես պետք է հեռու մնալ և զգուշանալ: Այն մարդկանց հետ, ովքեր քեզնից բամբասում են, այնուհետ մոտենում և համբուրում, աշխատում եմ առնչություն չունենենալ»:

Այսօր երգիչները ոչ մի կապ չունեն իրար հետ:

Պատրաստեց Past.am-ը: