Վարսերը հարդարելու հինգ տարբերակ, որոնք հիմնովին կփոխեն ձեր կերպարը

Wnews.am-ը գրում է.

Միապաղաղությունը, համաձայնեք, ձանձրացնում է։ Բոլորս էլ ցանկանում ենք ամեն օր ներկայանալ նորովի ու հմայիչ լինել։

Wnews.am-ը ներկայացնում է սանրվածքի հինգ պարզ տարբերակ, որոնք հիմնովին կփոխեն ձեր կերպարը։

Ցածր պոչի փոխարեն փաթաթեք այն.

«Նման սանրվածքը ձեզ առեղծվածային կերպար է հաղորդում։ Ստացվում է ոչ այնքան ձանձրալի եւ պաշտոնական կերպար. բաց մեջքով զգեստների հետ հոյակապ է համադրվում»,- ասում է հայտնի ոճաբան Ջենիֆեր Էպեզը։

Այս սանրվածքը շատ հեշտ է ստանալ. պարզապես վարսերը մեջտեղից բացեք, կապեք, սակայն ներքեւի հատվածում պոչը կիսատ թողեք. ներքեւի մազափունջն ամրացրեք ներսի կողմից եւ վերջ։

 

Հրաժարվեք կլոր խոզանակով արվող սանրվածքից.

Ընդհանրապես սանրի միջոցով արվող հարդարման մեջ ոչ մի դժվար բան չկա, միայն թե այս դեպքում հոգնում են ձեռքերը։ Ինչպե՞ս հեշտացնել այն. օգտագործեք մատները։

«Փորձեք վարսերը չորացնել մատներով սանրելով։ Այսպիսով կընդգծեք վարսերի բնականությունը»,- ասում  է ոճաբան Քեւին Մանկուսոն։

Եթե ցանկանում եք վարսերին փարթամություն հաղորդել, արմատներին մուս քսեք։

 

Հասարակ պոչը փոխարինեք հյուսքով արված կոսով.

Առավոտյան շտապելով՝ մենք հաճախ նախապատությունը տալիս ենք սովորական պոչին, սակայն հյուսով արված կոսն ավելի թարմ է դիտվում։ Նախեւառաջ վարսերին փարթամություն հաղորդելու համար չոր շամպուն քսեք, հավաքեք պոչը, հյուսեք եւ ծայրն ամրացրեք ծամակալով։ Թեթեւակի տրորեք կոսը, կրկին ոլորեք այն եւ ամրացրեք։

 

Վարսերի լոքոնները զարդարեք մեծ բրոշով.

Սա ոչ միայն շատ նորաձեւ է, այլ նաեւ քիչ ժամանակ է պահանջում։Իդեալական տարբերակ է աշխատանքից անմիջապես հետո ժամադրության մեկնելու համար։

Սովորական ծամակալի փոխարեն վարսերը հավաքեք գեղեցիկ ժախավենով.

Հասարակ սեւ ժապավենը կերպարին վայրկենապես էլեգանտություն կարող է հաղորդել։