Իրենց ասպետին գտած ժամանակակից 8 մոխրոտիկները

ԼԱՅՖ 27 Մարտ, 2016 22:29

Շատերը պնդում են, որ կյանքում հեքիաթներ չկան: Adme.ru-ն ներկայացնում է մեր ժամանակների այն 8 մոխրոտիկներին, որոնց համար կյանքը իսկապես հեքիաթ է:

Քեյթ՝ Քեմբրիջի դքսուհի

Ուելսի արքայազն Ուիլյամը և միջին սովորական անգլիական ընտանիքում մեծացած Քեյթը հանդիպեցին 2001թ. Շոտլանդիայի Սենթ-Էնդրյուս համալսարանում սովորելու տարիներին: Նրանց միջև սկիզբ առած ընկերությունը հետագայում վերածվեց բուռն սիրո, ի վերջո նրանք դարձան ամուսիններ:

Լետիցիա՝ Իսպանիայի թագուհին

Լրագրողի և բուժքրոջ դուստրը՝ Լետիցիան ընտրեց լրագրողի մասնագիտությունը: Մինչև արքայազն Ֆելիպեի հետ ամուսնանալը նա հասցրել էր մեկ անգամ անուսնանալ և հաջողություններ արձանագրել լրագրողական կարիերայում:

Շառլեն՝ Մոնակոյի իշխանուհի

Շառլենը, շնորհիվ իր լողորդի մասնագիտության, ծանոթացավ արքայազն Ալբեր Երկրորդի հետ: Նրանք ամուսնացան 2011թ.:

Մերի՝ Դանիայի գահաժառանգորդուհի

Դանիայի գահաժառանգ Ֆրեդերիկին և մանկավարժների դուստր Մերիին նույնպես սպորտը մտերմացրեց: Նրանք ծանոթացան 2000թ. Սիդնեյի օլիմպիական խաղերի ժամանակ: Մերի Էլիզաբեթը ստիպված էր ընդունել թագավորական ընտանիքի մի քանի պայմաններ՝ հրաժարվել Ավստրալիայի քաղաքացիությունից, դառնալ դանիական լյութերական եկեղեցու անդամ, սովորել դանիերեն և համաձայնել ամուսնալուծության դեպքում հրաժարվել իր զավակներից:

Սառա Բրունեի գահաժառանգորդուհի

Բրունեյի գահաժառանգը իր սիրելիին հանդիպել է ուսումնական հաստատության պատերի ներսում: Առաջին անգամ նա իր ապագա կնոջը տեսել է այն ժամանան, երբ Սառան դպրոցական էր:

Թեսսի՝ Լյուքսեմբուրգի արքայադուստր

Թեսսին Լյուքսեմբուրգի արքայադուստր է դարձել 2009թ., իսկ արքայազն Լուիի օրինական կին նա ավելի վաղ էր դարձել:

Ռանիա ալ-Աբդուլլա՝ Հորդանանի թագուհի

Սա այն դեպքն է, երբ անհաջողությունը օգնել է: Ղեկավար պաշտոնի նշանակման մերժումից հետո Ռանիան աշխատանքի է անցնում բանկերից մեկում, որտեղ էլ հանդիպում է Հորդանանի արքայազն Աբդալլային:

Դանիել՝ Շվեդիայի արքայազն

Շվեդիայի արքայադուստր Վիկտորյայի և Դանիել Վեսթլինգի սիրո պատմությունը նման է մոխրոտի պատմությանը, բայց հակառակ դերերով: