Կանայք առաջին հանդիպման ժամանակ միայն ԴՐԱՆԻՑ են վախենում

Blognews.am-ը գրում է.

Բարձրահասակ, մուգ մազերով, գեղեցիկ… Այսպիսի մեկի մասին երազում է գործնականում յուրաքանչյուր կին: Սակայն միայն մի բան կարող է փոխել պոտենցիալ սիրելիի մասին կարծիքը: Նրա ֆինանսական վիճակը: Կրեդիտային պատմությունների կայքում անցկացված հարցման արդյունքներով՝ կանանց 55 %-ը (և տղամարդկանց 37 %-ը) չի շարունակի ծանոթությունը մարդու հետ, որը մինչև ականջները թաղված է պարտքերի մեջ: Ստացվում է, որ ֆինանսական առումով կանայք ավելի բծախնդիր են:

Կանանց ամենաշատը դուր չի գալիս, երբ իրենց զուգընկերը ստում է իր ֆինանսական հնարավորությունների մասին: 70 %-ն անմիջապես կբաժանվի այդպիսի ստախոսից:

Նույն կերպ կվարվի տղամարդկանց կեսը, երբ իմանա իր երկրորդ կեսի պարտքերի մասին: Կանանց 57 %-ը նշել է, որ կուզենար նախքան իր զուգընկերոջ հետ լուրջ հարաբերություններ ձևավորելն իմանալ նրա բանկային, վարկային պատմությունը, տղամարդանց դեպքում այդպիսիք 47 %-ն են:

Հնարավոր է՝ գեղեցիկ սեռի ներկայացուցիչները վախենում են զուգընկերոջ պարտքերից, քանի որ չեն կարողանում ազատվել այն գաղափարից, որ տղամարդը պետք է ապահովի ընտանիքի բարեկեցությունը: Չնայած՝ գործնականում սա գնալով ավելի քիչ է հանդիպում:

Մյուս կողմից՝ եթե մարդը որևէ բան թաքցնում է մի հարցում, ոչ մի երաշխիք չկա, որ մեկ այլ հարցում էլ չի խաբի: Սա նշանակում է, որ հարաբերությունները պետք է սկսել ճշմարտությունից, հատկապես այնպիսի կարևոր հարցերում, ինչպիսին ֆինանսականն է: