ՀՀ քաղաքացիության, մուտքի վիզա, բնակության կարգավիճակ է ստացել ավելի քան 16 հազար սիրիահայ

ՀՀ սփյուռքինախարար Հրանուշ Հակոբյանիղեկավարությամբ մարտի 24-ին տեղի է ունեցել Սիրիահայերի հիմնախնդիրները համակարգող միջգերատեսչական հանձնաժողովի հերթական նիստը:

Ինչպես «Արմենպրես»-ին տեղեկացրին ՀՀ սփյուռքի նախարարության մամուլի եւ հասարակայնության հետ կապերի վարչությունից, ողջունելով ներկաներին՝  ՀՀ սփյուռքի նախարարը շնորհակալություն է հայտնել գերատեսչությունների, միջազգային, եկեղեցական և համահայկական կառույցների ներկայացուցիչներին՝ ակտիվ մասնակցության համար: Նախարարը նշել է, որ այսուհետ միջգերատեսչական հանձնաժողովի նիստերը գումարվելու են ընդլայնված կազմով, որի մեջ ընդգրկվելու են նաև սիրիահայերի խնդիրներով զբաղվող բոլոր կազմակերպություններն ու անհատ բա րերարները: Անդրադառնալով սիրիահայերի ներկա վիճակին՝ նախարարը ցավով նշել է, որ իրադրությունը Սիրիայում շարունակում  է մնալ ծանր: Նա մասնավորապես նշել է. «Սիրիական թնջուկը դեռչի ավարտվել, այս առումով անընդհատ մեր հայրենակիցները շարժման մեջ են: Գլխավոր խնդիրներնաշխատանքային և բնակարանի խնդիրներն են: Աշխատանքները շարունակվում են»:

Օրակարգի առաջին հարցի՝ 2015 թվականին ՀՀ քաղաքացիություն և կացության կարգավիճակ ստացած սիրիահայերի մասին զեկուցումով հանդես է եկել ՀՀ ԿԱ ոստիկանության անձնագրային և վիզաների վարչության պետ Մնացական Բիչախչյանը: Շնորհավորելով նոր մասնաշենք տեղափոխվելու կապակցությամբ՝ նա արդյունավետ աշխատանք է մաղթել նախարարության աշխատակազմին: Զեկուցողը հայտնել է, որ 2012-2016թթ. ՀՀ քաղաքացիության, մուտքի վիզա, բնակության կարգավիճակ է ստացել ընդհանուր առմամբ ավելի քան 16.000 սիրիահայ :

Միգրացիոն պետական ծառայության պետ Գագիկ Եգանյանը ներկայացրել է ապաստան հայցող սիրիահայերի հետ տարվող աշխատանքները և հիմնախնդիրները: Զեկուցողը նշել է, որ քիչ թվով սիրիահայեր են դիմում ապաստան ստանալու համար. մինչև այսօր ծառայությանը դիմած 980 սիրիահայից 795-ին ապաստան է տրամադրվել արագացված եղանակով:

2015 թվականին կատարված և 2016 թվականին նախատեսվող ծրագրերի մասին զեկուցել է ՄԱԿ ՓԳՀ հայաստանյանգրասենյակի իրավաբանական բաժնի ղեկավար  Քեյթ Պչապսկին: Նա նշել է, որ անցյալ տարի փախստականների աննախադեպ հոսք է գրանցվել՝ մոտ 60 միլիոն մարդ: «Ինչ վերաբերում է Հայաստանին, թվերը փոքր են, բայցհամեմատած բնակչության թվի հետ, դրանք տպավորիչ են: Սիրիահայերի խնդիրները լուծելու հարցում կարևոր էմեր գործընկերությունը: Պե տք է ընդլայնել մեր գործակցությունը, նոր ծրագրեր իրականացնել»:

Հրանուշ Հակոբյանը հավելել է. «Այսօր սփյուռքում գումարներ հանգանակելու նպատակով շարժում է սկսվել, որպեսզի 600 և ավելի ընտանիքներին կարողանանք բնակվարձով ապահովել: Հանգանակության արդյունքում 350 հազարդոլարի կարգի գումար է հավաքվել: Դրան պետք է միանան ՄԱԿ-ի գրասենյակը և այլ միջազգային կառույցներ:Պետք է միջազգային կազմակերպությունները լրջորեն օգնեն մեր հայրենակիցներին» :

«Սիրիահայերի հիմնախնդիրները համակարգող կենտրոն» ՀԿ նախագահ Լենա Հալաճյանը ներկայացրել է 2015 թվականին կատարված աշխատանքները և 2016 թվականին նախատեսվող ծրագրերը:

Սիրիահայերի բուժօգնության կազմակերպման հարցում առկա հիմնախնդիրների մասին զեկուցել է ՀՀ առողջապահության նախարարության բժշկական օգնության քաղաքականության վարչության պետ Ծաղիկ Վարդանյանը:

Ամփոփելով նիստը՝ ՀՀ սփյուռքի նախարար Հրանուշ Հակոբյանը հորդորել է սիրիահայերի խնդիրներով զբաղվող բոլոր կազմակերպություններին՝ հաշվի առնել մեր հայրենակիցների՝ Հայրենիքում հաստատվելու գերակա առաջնային խնդիրները և նոր միայն անդրադառնալ փոքր հարցերի լուծմանը: Նա արդյունավետ աշխատանքի համար շնորհակալություն է հայտնել սիրիահայերի հիմնախնդիրներով զբաղվող բոլոր կառույցներին ու կազմակերպություններին: «Բոլոր հարցերը, որ կապված ենսիրիահայերի հետ, պետք է լինեն առաջնային», - շեշտել է նխարարը: