Առավոտյան լավ տեսք ունենալու 5 ամենահեշտ ձեւերը

1. Մեջքն ուղղեք

Մենք գիտենք, որ առավոտյան դա շատ բարդ է անելը: Բայց այն մարդը, ով մեջքը կորացնում է, միանգամից շատ խղճուկ տեսք է ստանում: Հոգնած ու իր տարիքից մեծ է երեւում: Դրա համար էլ առավոտյան անպայման հոգ տարեք ձեր ուղիղ կեցվածքի մասին։

2. Գդալ օգտագործեք

Հին հնարք է, բայց իրոք արդյունավետ է: Ցնցուղ ընդունելուց առաջ պարզապես երկու մետաղական գդալ դրեք սառնարանում: Իսկ լողանալուց հետո դրանք աչքերին դրեք:

Այս պրոցեդուրան օգտակար է մաշկի համար՝ այն ավելի առաձգական ու երիտասարդ է դարձնում: Բացի դրանից, վայրկենապես վերանում է այտուցվածությունն ու մուգ շրջանակները:

3. Խոնավացրեք մաշկը

Չոր մաշկը միշտ մեծ է երեւում: Սա աքսիոմա է որը պետք է հիշեն բոլոր աղջիկները: Դրա համար էլ առավոտյան անպայման օգտագործեք խոնավացնող միջոց, թեկուզ մի կտոր վարունգ կամ որեւէ քսուք: Ընդ որում խոնավացնել պետք է ոչ միայն դեմքը, այլեւ ձեռքերը ու դեկոլտեի հատվածը:

4. Դուք ուզում եք պարե՞լ

Եթե մարզանքի ժամանակ ու ցանկություն չունեք, կարող եք գոնե 10-15 րոպե պարել ձեր սիրելի երաժշտության տակ: Պարը ունի նաեւ հոգեբանական էֆեկտ. այն թույլ է տալիս ավելի լավ արթնանալ ու ուրախանալ նոր օրվա կապակցությամբ: Դե իսկ մարմնի համար դրա օգուտն ակնհայտ է՝ արյան շրջանառությունը լավանում է, բջիջները թարմանում են, հայտնվում է նաեւ առողջ կարմրություն:

5. Դիմեք զգեստապահարանի օգնությանը

Ճիշտ ընտրված գույները կարող են շտկել նույնիսկ ամենատխուր իրավիճակը: Երբ առավոտյան դու ինքդ քեզ օբյեկտիվ ասում ես «Այ քեզ բան, ես այսօր լավ տեսք չունեմ» դրանից հետո ուզում ես տնային հողաթափիկներ հագնել ու երեք շարֆով փաթաթվել: Այն էլ գունատ ու անշուք շարֆերով:

Բայց ամեն ինչ հակառակն է պետք անել՝ վերցրեք ձեր զգեստապարահանից ստուգված՝ այսինքն ձեզ սազող գույներով շորեր: Այն շորերը, որոնք ոչ միայն հաստատ սազում են քեզ, այլեւ լավացնում են դեմքիդ գույնը՝ բարձրացնելով նաեւ տրամադրությունը:

 

Աղբյուրը՝ NEWS.am STYLE