Հայտնի մարդկանց վերջին գրությունները

Shabat.am-ը գրում է.

5 Մերիլին Մոնրո

Մերիլին Մոնրոյի կախվածությունը դեղորայքից ավելի ու ավելի էր սրվում։ Դեպրեսիայի պատճառով նա 4 շաբաթ անցկացրեց հիվանդանոցում։ Գործընկերները նրան նկարագրում էին որպես «ոչ պրոֆեսիոնալ»։ Նրա տրամադրության փոփոխություններն անկանխատեսելի էին։ Նա չարաշահում էր քնաբերները։

Մոնրոն մահացավ իր ննջասենյակում 1962թ․-ին։ Դատաքննիչը նշեց հնարավոր ինքնասպանության մասին այն պատճառով, որ նրա անկողնու մոտ դեղահաբերի դատարկ տուփեր էին հայտնաբերվել։ Նրա վերջին բառերն էին. «Հրաժեշտ տուր Փեթին, հրաժեշտ տուր նախագահին ու հրաժեշտ տուր ինքդ քեզ, որովհետև դու լավն ես»։

Մոնրոյի ուսուցիչներից մեկին գրված գրություններից մեկի մեջ կարելի է ընթերցել.

Ես դեռ կորած եմ, ես չեմ կարողանում ոչ մի բանի վրա կենտրոնանալ, իմ կամքը թույլ է, ես խելագար բաներ եմ ասում, կարծում եմ՝ խելագարվում եմ... Ես հասնում եմ տեսախցիկի մոտ ու իմ կենտրոնացվածությունն ու ամենը, ինչ ես փորձում եմ սովորել, թողնում են ինձ։ Հետո ինձ թվում է՝ ասես այլևս գոյություն չունեմ մարդկային ցեղի մեջ։

 4  Ադոլֆ Հիտլեր

Գերմանական բոլոր ուժերը, որոնցից կախված էր Հիտլերը Բեռլինը փրկելու համար, պարտության էին մատնվել։ Մահվանից 40 ժամ առաջ Եվա Բրաունն ու Հիտլերն ամուսնացան։ Ճաշելուց հետո Հիտլերն ու Եվան հրաժեշտ տվեցին։ Կրակոց հնչեց։ Հիտլերն ինքն իրեն կրակեց սեփական ատրճանակով։ Եվան մահացավ ցիանիդի թունավորումից։ Դրանից առաջ Հիտլերը թե՛ քաղաքական, թե՛ անձնական նշանակության գրություն թողեց։

Հիտլերի վերջին անձնական գրառման մեջ կարդում ենք.  

Ես ինքս և իմ կինը կապիտալիզմի խայտառակությունից խուսափելու համար ընտրեցինք մահը։ Մեր ցանկություն է ակնթարթորեն այրվել այն վայրում, որտեղ ես իմ առօրյա աշխատանքի մեծ մասն եմ անցկացրել տասներկու տարիների ընթացքում՝ ծառայելով իմ ժողովրդին։

 3  Կուրտ Քոբեյն

Կուրտ Քոբեյնը ծնվել է Վաշինգթոնի Աբերդին քաղաքում 1967թ.-ին և համբավ ձեռք բերել «Նիրվանա» խմբի հետ 1990-ականններին։ Նրա երաժշտությունը ոգեշնչել է գրաջ երաժիշտների սերունդներին։ Երգիչ-երգահանն ամենայն հավանականությամբ տառապում էր ուշադրության պակասի և հիպերակտիվության համախտանիշով ու մանիակալ-դեպրեսիվ պսիխոզով։ Սա զուգակցվում էր խնդիրներից ազատվելու համար թմրանյութերի և ալկոհոլի չարաշահմամբ։ 
Մինչև ինքնասպանություն գործելը նա իր որդուն՝ Ֆրենսիսին ու կնոջը՝ Քորթնիին, գրություն է թողել.

Ֆրենսիս և Քորթնի, ես կլինեմ ձեր զոհասեղանի մոտ։ Խնդրում եմ՝ շարունակիր առաջ գնալ, Քորթնի, հանուն Ֆրենսիսի, որովհետև նրա կյանքը շատ ավելի ուրախ կլինի առանց ինձ։ ԵՍ ՍԻՐՈՒՄ ԵՄ ՁԵԶ։ ԵՍ ՍԻՐՈՒՄ ԵՄ ՁԵԶ։

 2  Վինսենթ վան Գոգ

1889թ.-ին Վան Գոգը հոգեբուժարանում առանձին կացարան պահանջեց։ Այս ընթացքում նա շարունակում էր նկարել, և այդ ընթացքի նրա գործերից է նաև «Աստղազարդ գիշերը»։ 1890թ.-ի հուլիսի 27-ին Վան Գոգը դուրս եկավ իր կացարանից և ճիշտ ժամին չվերադարձավ։ Վերջապես նա վերադարձավ ուշ գիշերը՝ ստամոքսը բռնած հազալով արտասանելով. «Ես փորձեցի սպանել ինձ» և «տխրությունը կտևի հավերժ»։

Վան Գոգը գրություն թողեց իր եղբորը՝ Տեոին, մահվանից երեք օր առաջ։

...իմ սեփական աշխատանքը, ես ռիսկի եմ ենթարկում իմ կյանքը դրա համար, և իմ գիտակցությունը կիսով չափ խարխլվել է դրա պատճառով, ամեն ինչ կարգին է, սակայն որքանով որ ես եմ տեղյակ, դու գործարքառու չես մարդկանց մեջ, դու դեռևս կարող ես ընտրել, թե ում կողմից ես ուզում լինել, կարծում եմ՝ դու կընտրես մարդկության մեջ քո դերը խաղալը, սակայն ո՞րն է քո ուզածը։

 1  Քևին Քարտեր

Քևին Քարտերն իր այս հայտնի լուսանկարն արել է «Bang Bang Club»-ի համար ազատ գրաֆիկով աշխատելու ժամանակ։ Նա այն 4 լուսանկարիչներից մեկն էր, ով աշխատում էր Հարավային Աֆրիկայի մեկուսացած համակարգում։ Երբ նա սովամահ լինող աղջկան նկարելու համար Պուլիցերյան մրցանակ ստացավ, ասաց. «Չեմ համբերում, թե երբ պետք է ցույց տամ իմ «հաղթական գավաթը», իմ աշխատանքի ամենաբարձր գնահատանքը»։

Էլիեն Լեֆոնտն ասել է. «Աղջիկները կորցնում էին իրենց գլուխը նրա համար, և բոլորը ցանկանում էին լսել, թե ինչ ունի նա ասելու»։ Ամիսներ անց նա թունավորեց ինքն իրեն ածխածնի օքսիդով այն գետի մոտ, որտեղ լուսանկարել էր երեխային։

Նրա վերջին գրառման մեջ ասվում էր.

...ներողություն։ Կյանքի ցավը ոտնատակ է անում ուրախությունն այն աստիճան, որ ուրախությունն այլևս դադարում է գոյություն ունենալ... դեպրեսիայի մեջ եմ... առանց հեռախոսի... առանց տուն վարձելու համար փողի.... առանց փողի երեխային աջակցելու համար... փողի՝ պարտքերը փակելու համար... փող... վառ հիշողություններ՝ սպանությունների և դիերի և բարկության և ցավի... սովամահ լինող և վիրավոր երեխաների... ձգանը քաշող ուրախ խելագարների, հաճախ՝ ոստիկանների, մահապատժի ենթարկող մադասպանների։