Apple-ը ներկայացրել Է փոքրացված iPhone-ը եւ iPad Pro-ն

 Միացյալ Նահանգների Apple կորպորացիան մարտի 21-ին ներկայացրել Է iPhone սմարթֆոնների եւ iPad պլանշետային համակարգիչների շարքի իր սարքերի վերջին մոդելները: Շնորհանդեսը կայացել Է Քուփերթինո քաղաքում (Կալիֆոռնիայի նահանգ)՝ ընկերության կենտրոնակայանում:

Ինչպես եւ սպասվում Էր, iPhone հանրաճանաչ սմարթֆոնների շարքում տեղի Է ունեցել համալրում: Ընկերությունը ներկայացրել Է սարքի փոքրացված տարբերակը՝ 4 դյույմ անկյունագծով դիսփլեյով:   

Գաջեթը, որն ստացել Է iPhone SE անվանումը եւ հանդերձված Է Apple A9 պրոցեսորով, նախատեսված Է այն օգտատերերի համար, ովքեր կցանկանային ունենալ արդյունավետ ապարատ, բայց չափով ավելի փոքր, քան iPhone 6s եւ iPhone 6s Plus առաջատար սմարթֆոնները:  

iPhone SE-ի հիմնական խցիկն ունի 12 մեգափիքսել լուծաչափ: Չափով այն գործնականում չի տարբերվում iPhone 5s մոդելից: Նոր սմարթֆոնը մատչելի կլինի չորս գույներով՝ ոսկեգույն, վարդագույն, մոխրագույն եւ արծաթագույն: ԱՄՆ-ում վաճառքները կսկսվեն ընթացիկ տարվա մարտի 31-ից:   

Apple-ը նաեւ ներկայացրել Է iPad Pro շարքի պլանշետային համակարգչի փոքրացված տարբերակը, որը նախատեսված Է գործարար օգտատերերի համար: Նոր մոդելը զուգակցում Է Pro շարքի պլանշետների հզորությունը եւ iPad Air մոդելների փոքր չափը: Apple A9X պրոցեսորով հանդերձված սարքի դիսփլեյի անկյունագիծը կազմում Է 9,7 դյույմ:  

Կորպորացիայում կարծում են, որ օգտատերերից շատերը նոր iPad Pro-ն «լիարժեք փոխարինում» կհամարեն սեղանի անձնական համակարգչին, հաղորդել Է ՏԱՍՍ-ը: