Ղազախստանի ընդդիմությունը չի ճանաչում ընտրությունների արդյունքները

Ղազախստանի ընդդիմադիր Համազգային սոցիալ-դեմոկրատական կուսակցությունը (ՀՍԴԿ), որը Կենտրոնական ընտրական հանձնաժողովի նախնական տվյալների համաձայն, մարտի 20-ին կայացած ընտրություններում հավաքել Է ընտրողների ձայների 1,18 տոկոսը, չի ճանաչում ընտրությունների արդյունքները: Այդ մասին ասված Է կուսակցության հայտարարության մեջ:

«2016 թվականի մարտի 20-ի վաղաժամկետ ընտրություններն անցել են ընտրական օրենսդրության մեծաթիվ կոպիտ խախտումներով: ՀՍԴԿ-նայդ ընտրությունները լեգիտիմ չի համարում եւ չի ճանաչում դրանց արդյունքները»,- նշվում Է կուսակցության մարտի 21-ի հայտարարության մեջ:

«Նուր Օթան» («Հայրենիքի լույսը») կառավարող կուսակցությունը խորհրդարանական ընտրություններում հավաքել Է քվեների 82,15 տոկոսը: ԿՀԸ-ի նախնական տվյալներով՝ Ղազախստանի Կոմունիստական ժողովրդական կուսակցությունն (ՂԿԺԿ) ստացել Է ձայների 7,14 տոկոսը, «Ակ ժոլ» («Լուսավոր ուղի») դեմոկրատական կուսակցությունը՝ 7,18 տոկոսը, «Բիռլիք» («Միասնություն») կուսակցությունը՝ 0,29 տոկոսը, Համազգային սոցիալ-դեմոկրատական կուսակցությունը՝ 1,18 տոկոսը, «Աուիլ» («Գյուղ») ժողովրդադեմոկրատական հայրենասիրական կուսակցությունը՝ 2 տոկոսը:  

Այսպիսով, «Նուր Օթան», «Ակ ժոլ», ՂԿԺԿ կուսակցությունները հաղթահարել են յոթտոկոսանոց արգելքը, ինչը նրանց թույլ Է տալիս ներկայացված լինել Ղազախստանի խորհրդարանի Մաժիլիսում (ստորին պալատում)»:

Ավելի վաղ ԿՀԸ-ն հրապարակել Է մասնակցության նախնական տվյալները, որը կազմել Է ռեկորդային 77,1 տոկոս: Ինչպես հայտնել Է Տուրգանկուլովը, հանրապետության ընտրական օրենսդրությանը համապատասխան՝ վերջանական տվյալները կհրապարակվեն մարտի 26-ից ոչ ուշ, հաղորդել Է ՌԻԱ Նովոստին: