Սոնա Շահգելդյանը՝ ռեստորանում երգող արտիստների մասին

Style.news.am-ը գրում է.

Հայ անվանի արտիստներին նախկինում չէինք տեսնի ռեստորաններում երգելիս։ Իսկ հիմա նույնն ասել չենք կարող։ Այժմ շատ երգիչ երգչուհիներ իրենց գումարը վաստակում են հենց այդպես։

Երգչուհի Սոնա Շահագելդյանը նույնպես երգում է ռեստորաներից մեկում, հարսանեկան արարողություններին։

«Իհարկե, լավ եմ վերաբերվում այն փաստին, որ շատ տաղանդավոր արտիստներ երգում են այս կամ այն ռեստորններում կամ ակումբներում։ Ես ինքս էլ եմ երգում։ Այնուամենայնիվ  արտիստը պետք է իր բարձունքից չիջնի հանուն գումարի եւ միայն գումարը իր համար կարեւոր չլինի։ Նա պետք է միաժամանակ ներկայացնի որակյալ երաժշտություն»,- ասել է Սոնան։

Երգչուհու կարծիքով՝ մեր օրերում շատ քիչ են կազմակերպվում համերգային ծրագրեր, բացի այդ եթե նախկինում կարող էր արտիստը գումար վաստակեր ձայնասկավառակներ թողարկելով, ապա նոր տեխնոլոգիաների զարգացման դարաշրջանում այն չի վաճառվի։  

«Չէ որ արտիստը պետք է ինչ-որ կերպ գումար վաստակի, որպեսզի կարողանա նախ եւ առաջ ապրել, հետո իր նոր աշխատանքները ներկայացնել։ Իրականում այն շատ բարդ աշխատանք է»,- ասել է Սոնան։

Սոնան ցավով է նշում, որ կան արտիստներ, որոնք միայն ռեստորանում են երգում եւ չեն շարունակում ներկայացնել իրենց նոր տեսահոլովակներն ու աշխատանքները։

«Ես ինքս սիրում եմ եւ աշխատել, եւ համերգներ տալ, եւ նոր տեսահոլովակներ ներկայացնել։ Եվ ամենակարեւորը ներկայացնել ճաշակով երաժշտություն։ Կան երգիչներ, որոնք ճաշակ են թելադրում, կան նաեւ՝ հակառակը։ Կան արտիստներ, որոնք ստիպված գումար աշխատելու համար երգում են այնպիսի երգեր, որոնք չեն սիրում։ Չեմ մեղադրի նրանց, քանի որ շատ լավ եմ հասկանում իրենց։ Չեմ սիրում, երբ մեկը մյուսից կրկնօրինակում է։ Իմ աշխատանքներում նման բաներ դուք չեք նկատի»,- նշեց երգչուհին։

Սոնայի խոսքով՝ հարսանիքներում երգելու հրավերներ շատ է ստանում։ Երգում է տարբեր երգեր, բացի 6/8-ից։ Ամենապահանջված երգերից է իր «Հարսի պարը» եւ «Հարսի շոր»-ը, որը կատարում է ակապելա։

Երգչուհին մայրանալուց հետո էլ է ավելի շատ աշխատում։ Նրա խոսքով․ «Շատ հաճելի եւ միեւնույն ժամանակ անբացատրելի զգացողություն է, երբ հոգնած գալիս եմ աշխատանքից եւ գրկում փոքրիկիս։ Նա իմ կյանքն ամբողջովին փոխել է»։

Զրուցեց՝ Մելինե Տոնոյանը