Հետաքրքիր փաստեր Բեքհեմների սիրո պատմության, ամուսնության և երեխաների մասին

Shabat.am-ը գրում է.

• 1999 թվականի հուլիսի 4–ին ֆուտբոլիստ Դևիդ Բեքհեմը և երգչուհի Վիկտորիա Բեքհեմը կնքեցին իրենց ամուսնական դաշինքը: 300 հյուրերի մասնակցությամբ իռլանդական ամրոցում՝ Դուբլինի ծայրամասում, տեղի ունեցավ աստղային զույգի հարսանիքը. Միությունը շարունակվում է մինչ օրս: Շշուկներ կան, որ սիրահարներն այս հարսանիքի վրա ծախսել են 800 հազար դոլար, սակայն այդ ծախսերը փոխհատուցվեցին (օրինակ HELLO հրատարակչությունը 1,5 միլիոնով գնել է բացառիկ իրավունքը, որպեսզի նկարահանումներ կատարի):

• Ներկայացնում ենք մի քանի հետաքրքրական փաստ նրանց ամուսնության 14-րդ ամյակի առթիվ:

• Բեքհեմներն անհավատալիորեն ռոմանտիկ են: Դևիդը մինչ օրս պահում է այն թղթիկը, որի վրա Վիկտորիան 1997 թվականին գրել է իր հեռախոսահամարը: Հայտնի ֆուտբոլիստի խոսքով՝ ինքը երբ տուն է եկել, գրել է այդ թվերը 6 թղթի վրա, որպեսզի ոչ մի դեպքում այն չկորցնի:

• 20 տարեկանում բժիշկները Վիկտորիային ախտորոշել են ձվարանների կիստա և հայտարարել, որ նա երբեք չի կարող երեխաներ ունենալ: Աստղը նույնիսկ հույսը հրաշքի վրա չի կարողացել դնել, և պատկերացրեք այն զարմանքը, երբ 1999 թվականին իմացել է հղիության մասին: Բժիշկները շփոթված էին, իսկ Բեքհեմները՝ երջանիկ:

• Ե՛վ Վիկտորիան, և՛ Բեքհեմը հագեցնում են իրենց կիրքը դաջվածքների հանդեպ: Իրենց դաջվածքներից բացի, զույգն ունի նաև 3 զույգային դաջվածք: Դրանցից մեկը, որը գրված է եբրայերենով, զարդարում է երգչուհու մեջքը և նշանակում է «Ես պատկանում եմ իմ սիրելիին, իսկ նա՝ ինձ»: Նմանատիպ դաջվածք կա նաև Դևիդի ձախ ձեռքին: Պատկերն արվել է նրանց ամուսնության 7-րդ տարում՝ 2006 թվականին: Վիկտորիայի ձախ ձեռքի դաստակին գրված է ամուսնու անվան սկզբնատառերը: Երգչուհու անունն էլ զարդարում է ամուսնու ձեռքը:

• Վիկտորիա Բեքհեմի հարսանեկան զգեստի կորսետը եղել է 47 սմ. ահա, թե որքան բարակ է եղել նրա իրանը:

 

• Բրիտանացի հայտնի երգիչ Էլթոն Ջոնը դարձել է Բեքհեմների երկու որդու՝ Բրիքլինի և Ռոմեոյի կնքահայրը: