«Հետաքրքիր, գունեղ և զարմացնող». Ահա թե ինչպիսի նոր եթերաշրջան են խոստանում ֆուլհաուսցիները (լուսանկարներ)

«Նոր եթերաշրջանը մյուսներից կտարբերվի նոր դերասանների առկայությամբ, որոնք բավականին պրոֆեսիոնալ են կատարում իրենց գործը։ Փորձել ենք ընդհանուր սցենարային և սյուժետային գծերը պահպանել»,-նշեց սիթքոմի պրոդյուսեր Արմեն Պետրոսյանը։

Նոր եթերաշրջանում ընդգրկված են նաև երկու նոր կերպարներ` դերասանուհի Մարինկա Խաչատրյանը և երգիչ Գևորգ Մարտիրոսյանը:

«Նկարահանման ընթացքն ինձ համար շատ հետաքրքիր է անցնում։ Չունենալով դերասանական փորձ, ես հաղթահարում եմ իմ առջև դրված խնդիրը։ Սիրում նոր բաներ փորձել։ Հուսով եմ հեռուստադիտողը նույնպես կհավանի»,-ասաց Գևորգ Մարտիրոսյանը։

«Գևորգը հանդես է գալիս նոր կերպարի՝ համակուրսեցու դերում, ով հետագայում սիրավեպ կունենա սիթքոմի հերոսուհիներից մեկի հետ, սիթքոմը կվերածվի «սիրային եռանկյունու»»,- նշեց Արմեն Պետրոսյանը և հավելեց. «Մեր հաջողության գրավականը բաղկացած է մի քանի պայմաններից՝ առաջինը երևի գրագետ սցենարային լուծումներն են, ճիշտ դերասանների ընտրությունը և մեր ամբողջ անձնակազմի աշխատասիրությունը»։

«Հետաքրքիր, գունեղ և զարմացնող» ահա այսպիսին է լինելու նոր եթերաշրջանն ըստ պրոդյուսերի։

Մարջան Ավետիսյանն էլ նշեց, որ հետևում է հայկական հեռուստատեսությամբ ցուցադրվող բոլոր սիթքոմներին և գիտի «Ֆուլ Հաուսի» առաջատար լինելու գաղտնիքը։

«Տիկին Տամառան իմ ամենասիրելի կերպարն է թե ինչ կլինի այս եթերաշրջանում  նրա ճակատագրի հետ, դեռևս ինձ հայտնի չէ։ Տեղական հեռուստատեսային շուկայում արտադրվող բոլոր նորություններին հետևում եմ, հատկապես սիթքոմները միշտ դիտում եմ։ «Ֆուլ Հաուսի» հաջողության գրավականը թերևս այն է, որ ամբողջ դերասանական անձնակազմը չափազանց աշխատասեր է և համապատասխանում է իր համար ընտրված կերպարին»,-եզրափակեց Մարջան Ավետիսյանը։