Լոնդոնի քաղաքապետը ԵՄ-ն որակել է անախրոնիզմ, որը խարխլում է ժողովրդավարության հիմքերը

Եվրամիությանն անդամակցությունը «հսկայական փողեր» Է արժեցել Մեծ Բրիտանիայի համար եւ «խարխլել Է ժողովրդավարության հիմքերը» երկրում: Այդ մասին, ինչպես տեղեկացնում Է «Արմենպրես»-ը, իրեն բնորոշ հուզականությամբ մարտի 11-ին հայտարարել Է Լոնդոնի քաղաքապետ եւ Միացյալ Թագավորության առաել մեծ ժողովրդականություն վայելող քաղաքական գործիչներից մեկը՝ Բորիս Ջոնսոնը:

«Եվրամիությունն անախրոնիզմ Է, որը 1950-ական թվականներին ստեղծվել Է ֆրանսիացի բյուրոկրատների կողմից, որպեսզի զսպի գերմանական հեգեմոնիզմը»,-հայտարարել Է քաղաքագլուխը՝ Քենթի կոմսությունում ելույթ ունենալով հաջակցություն ԵՄ-ի կազմից Մեծ Բրիտանիայի դուրս գալու միջոցառմանը: Ջոնսոնի կարծիքով՝ եթե հանրակցությունն ստեղծվեր այժմ, Լոնդոնը դրան անդամակցելու «ոչ մի պատճառ» չԷր ունենա:

Իսկ ինչ վերաբերում Է Եվրամիությանն անդամակցության հնարավոր դադարեցմանը, ապա այդ քայլը, եթե բրիտանական հասարակությունն, այնուամենայնիվ, որոշի գնալ դրան, «թերություններ չի ունենա», վստահ Է քաղաքական գործիչը: «Դա շահեկան իրավիճակ Է ե՛ւ մեզ համար, ե՛ւ նրանց համար: Միակ բանը, ինչից բրիտանացիները կարող են վախենալ, դա ԵՄ-ի կազմից դուրս գալու վախն Է»,-ընդգծել Է նա:

«Անհրաժեշտ Է ամուր կամք դրսեւորել եւ վերջապես վերադարձնել հսկողությունը մեր փողերի եւ սահմանների նկատմամբ»,- հորդորել Է Ջոնսոնը:

Եվրամիությանը Միացյալ Թագավորության հետագա անդամակցության հարցի շուրջ հանրաքվեն տեղի Է ունենալու հունիսի 23-ին, հաղորդել Է ՏԱՍՍ-ը:

Լուսանկարը` EPA