«Իմ նախկին ամուսինը գտել է իր երկրորդ կեսին. ուրախ եմ շատ... իսկ ինչո՞ւ ես չկարողացա...». Գայանե Ասլամազյանը կյանքում դժվարին օրերի մասին

Նա այն դերասանուհին է, ով չի վախենում փորձել ու սովորել նորը: 16 տարեկանում նա սիրահարվեց հեռուստատեսությանը և սկիզբ դրեց իրենց երկարատև սիրավեպին: Հանդիսատեսը նույնպես չկարողացավ անտարբեր մնալ նրա հմայքի ու գեղեցկության նկատմամբ` նվիրելով նրան իր մեծ սերը:

 

 

Ձեզ ենք ներկայացնում դերասանուհի, հաղորդավարուհի Գայանե Ասլամազյանի անձնական ու ստեղծագործական կյանքի որոշ մանրամասներ, որոնք մինչ օրս գուցե չենք իմացել:

 

 

Գեղեցիկ արտաքին, հմայք, որը, թերևս, ոչ բոլորին է տրվում, խելացի ու խորաթափանց կին, ով, չնայած իր երիտասարդ տարիքին, միշտ ժպիտով ու կշռադատված է խնդիրներից դուրս գալիս:

 

Գաղտնիք չէ, որ դերասանուհին ամուսնալուծված է ու ունի որդի, ով նրա կյանքի, թերևս, ամենամեծ ձեռքբերումն է:

 

«Տարիների ընթացքում շատ բան է փոխվել, ցավոք սրտի, ես մեծացել եմ ամուսնալուծված ընտանիքում և այնպես է ստացվել, որ տարիներ անց ես ինքս հայտնվեցի այդ վիճակում: Այն բարդություններն ու հասարակության կողմից այդ բարդույթի ընկալման հետևանքները շատ ծանր են եղել: Ընտանիքը շատ բարդ երևույթ է և այնպես չէ, որ պետք է ամեն ինչ լավ ու հարթ ընթանա, պետք է սովորել բարդությունները հաղթահարել»,- խոստովանել է նա:

 

 

Դերասանուհին իր հարցազրույցներում բազմիցս նշել է, որ իր համար երբեք խնդիր չի եղել ամուսնալուծված կին լինելը, ավելին, համոզված է, որ դա իր կյանքի ամենաճիշտ որոշումներից է եղել:

 

«Ես հստակ կարող եմ ասել, որ արել եմ ամեն ինչ հետագայում մեր լավ լինելու համար, միանշանակ, մեր կայացրած որոշումը ճիշտ էր, որովհետև անառողջ մթնոլորտում մեծացած երեխան հետագայում արդեն հիվանդ հասարակության ստեղծման պատճառ կարող է հանդիսանալ: Ուզում եմ ասել, որ իմ նախկին ամուսինը գտել է իր երկրորդ կեսին, ունի շատ գեղեցիկ ընտանիք, երկու հրաշք երեխաներ և ես ուրախանում եմ, որ երկուսից մեկը գոնե կարողացավ ստեղծել այն, ինչին մենք ձգտում էինք երկուսով»,- ասում է նա:

 

 

 

Իմաստուն կին, ով երբեք չի մտածել, թե ինչու ինքը չի կարողացել:

 

«Իմ կյանքն ավելի դժվար է եղել, քանի որ ես կին եմ: Կանանց ընդհանրապես ավելի դժվար են ընդունում և ավելի դժվար ներում յուրաքանչյուր քայլ, անգամ եթե դու ճիշտ ես, միևնույնն է, մեր հասարակությունը տղամարդկանց ներում է միանգամից»:

 

Հաղորդավարուհին ունի որդի, ով արդեն 16 տարեկան է:

 

«Ես հպարտ եմ, որ իմ տանն ունեմ նման երիտասարդ, ով բավականին խելացի և իմաստուն է: Մենք իսկապես ընկերներ ենք, ովքեր շատ հաճախ զրույցներ են ունենում: Այսօր հպարտությամբ կարող եմ ասել, որ իսկական հայ եմ դաստիարակել: Կյանքն իսկապես ինձ համար անիմաստ կլիներ, եթե չլիներ տղաս և այն, ինչ կատարվել է իմ կյանքում: Իմ կյանքի ամենամեծ ձեռքբերումը հենց տղաս է»,- ասում է դերասանուհին:

 

 

Պատրաստեց Past.am-ը:

 

Կիսվել