Նախարարը Կանանց միջազգային օրվա առթիվ շնորհակալագրեր է հանձնել ֆիզկուլտուրայի ուսուցիչներին

ՀՀ սպորտիև երիտասարդության հարցերի նախարար Գաբրիել Ղազարյանը Կանանց միջազգային օրվա՝ Մարտի 8-ի առթիվ և բարեխիղճ ու լավ աշխատանքի համար մարտի 10-ին շնորհակալագրեր է հանձնել հանրակրթական դպրոցների ֆիզկուլտուրայի ուսուցչուհիներին և նախարարու թյան ենթակայությամբ գործող մարզադպրոցների  մարզիչ-մանկավարժներին: 

Ինչպես «Արմենպրես»-ին տեղեկացրին ՀՀ սպորտի և երիտասարդության հարցերի նախարարության տեղեկատվության և հասարակայնության հետ կապերի բաժնից, նախարարը շնորհավորել է կանանց գարնանային տոների մեկնարկի կապակցությամբ, մաղթել նրանց ամենայն բարիք, հաջողություններ և կանացի անսահման երջանկություն: «Այսօր մենքերախտագիտության խոսք ենք ուղղումմեր ուսուցչուհիներին և մարզիչ-մանկավարժներին, որոնք մեծ նվիրումով< b> են աշխատում՝ ֆիզկուլտուրայի և սպորտի նկատմամբ իրենց սերըփոխանցելով երեխաներին: Ֆիզկուլտուրա նաև նշանակում է առողջ ապրելակերպ և առողջ սերունդ, հետևաբարնաև՝ մեր հայրենիքի արժանի քաղաքացի, քաջ ու անվախ զինվոր կամ ընտանիքի առողջ մայր: Վստահ եմ, որ դուք յս ամենի գիտակցումով եք մոտենում ձեր գործին»,- ասել է Գաբրիել Ղազարյանը:

Նախարարության շնորհակալագրերով պարգևատրվել են Երևանի N 7, 59, 68, 130, 188 և 199 հանրակրթական դպրոցների ֆիզկուլտուրայի ուսուցչուհիներ Ռուզաննա Քերովբյանը, Թամարա Խայանը, Սուսաննա Վարդանյանը, Գայանե Խաչատրյանը, Վեներա Միրզոյանը, Ալվարդ Մանուկյանը, ինչպես նաև Աթլետիկայի օլիմպիական մանկապատանեկան N 2 մարզադպրոցի տնօրեն Սուսաննա Մարտիրոսյանը, Գյումրու սուսերամարտի մանկապատանեկան մարզադպրոցի տնօրեն Գոհար Մելիքյանը, Ըմբշամարտի օլիմպիական մանկապատանեկան մարզադպրոցի փոխտնօրեն Սուսաննա Թադևոսյանը, Գեղարվեստական մարմնամարզության և ակրոբատիկա յի օլիմպիական մանկապատանեկան մարզադպրոցի ուսմասվար Աննա Այվազյանը, Երևանի հրաձգության մանկապատանեկան մարզադպրոցի մարզիչ Նորա Նիկողոսյանը, Հրանտ Շահինյանի անվան մարմնամարզության օլիմպիական մանկապատանեկան մարզադպրոցի մարզիչ Հասմիկ Դավիդյանը: