Ընկերուհիներ, որոնք ձեզ պետք չեն
ԼԱՅՖԸնկերուհիները բոլոր կանանց կյանքում անփոխարինելի են։ Սակայն պետք է ուշադիր լինել՝ ընկերուհիներ ընտրելիս, քանի որ կան մարդիկ, ովքեր ոչ թե ընկերություն են անում, այլ մանիպուլիացիայի ենթարկում, մատների վրա խաղացնում կամ պարզապես օգտագործում ձեզ։ Փորձեք ճանաչել այդպիսի ընկերուհիների՝ նրանց հետեւյալ հատկանիշներով։
Նախանձ
Նա կարող է հիանալի մարդ լինել, սակայն նախանձը փչացնում է ամեն ինչ։ Նախանձ ընկերուհին ամեն ինչ կանի, որպեսզի ինքը ձեզանից ավելի լավը երեւա։ Նա ամեն ինչ կանի, որպեսզի ստանա այն ամենը, ինչ դուք ունեք։ Բաժանվեք նման ընկերուհուց հիմնական։
Էգոիստ
Էգոիստ ընկերուհիները պատրաստ են ձեր կողքին լինել, միայն որպեսզի հետո երեսով տան, հիշեցնեն, որ արել են դա ձեզ համար եւ դուք պետք է փոխհատուցեք։ Բացի այդ, նա չի պատրաստվում լսել ձեր խնդիրները, նրա համար կարեւոր է միայն ինքը։
Փրկարար
Նույնիսկ եթե ոչ մի խնդիր չունեք, պարզապես ցանկանում էիք խոսել, քննարկել արձակուրդը կամ նման այլ բան, նա արդեն պատրաստի սցենար ունի, որպեսզի փրկի ձեզ։ Նա անընդհատ ուզում է փրկել ձեզ՝ առանց ձեր կամքը հաշվի առնելու։ Ի վերջո, նման ընկերուհիները «հոգատար մայրիկի» են վերածվում, բայց դուք մայրիկ ունեք, ձեզ ընկերուհի է պետք։
Խեղճ զոհ
Նման ընկերուհուն, իր խոսքով, բոլորը նեղացնում են, նրան պետք է փրկել, օգնել, նա խեղճ զոհ է։ Եթե նա գրիպ է, դա անպայման մի մահացու բան է, իրեն փրկել է պետք։ Նման ընկերուհիները հոգնեցնում են։
Գաղափարով
Որեւէ գաղափարով տարված ընկերուհին անընդհատ փորձելու է իր գաղափարները փաթաթել ձեր վզին, ստիպել, որ դուք էլ այդպես մտածեք։ Ավելի լավ է՝ նման կանանցից հեռու մնացեք։
Պատրաստեց Past.am-ը:



