Երջանիկ զույգերի 10 սովորություն՝ ըստ հանրահայտ հոգեթերապևտի

Բժիշկ Մարկ Գոլսթոնը հանրաճանաչ հոգեթերապևտ է, բազմաթիվ ուսումնասիրությունների հեղինակ: Հենց այս սովորություններն է բժիշկը համարում այն կարևոր նախապայմանները, որոնց շնորհիվ զույգը երբեք չի բաժանվի:

1.Ընդհանուր հետաքրքրություններ ձեռք բերեք:

Շատ զույգեր որոշ ժամանակ միասին անցկացնելով հասկանում են, որ գրեթե չունեն հետաքրքրություններ, որոնք իրենց միավորում են: Սակայն դա բոլորովին սարսափելի չէ, երբեք ուշ չէ գտնել այնպիսի ոլորտ, որը կհետաքրքրի երկուսիդ էլ, եթե, իհարկե նպատակ ունեք երջանիկ զույգ լինելու: Համատեղ հետաքրքրությունները ամրապնդում են կապը զուգընկերների միջև:

2.Երբ ինչ-որ տեղ եք գնում՝ բռնեք միմյանց ձեռքերը կամ գոնե հավասար քայլեք:

Երբ երջանիկ զույգն ինչ-որ տեղ է գնում, նրանցից ոչ մեկն առաջ չի անցնում մյուսից, ինչպես նաև ոչ մեկը չի վազում մյուսի ետևից, նրանք երկուսն էլ հասկանում են, որ միասին լինելն ավելի կարևոր է, քան ինչ-որ տեղ առաջինը հասնելը:

3.Թող ձեր ամենօրյա "ռեժիմը" դառնա վստահությունը:

Երբ կվիճեք, հիշեք, որ երջանիկ զույգերը դրանով էլ տարբերվում են, որ վիճելուց հետո կարողանում են արագ վերադառնալ նախկին վիճակին, ներել և վստահել միմյանց, այլ ոչ թե չարություն կուտակել միմյանց նկատմամբ:

4.Աշխատեք ավելի շատ մտածել այնպիսի բաների մասին, որոնք ձեր զուգընկերն անում է ճիշտ և ավելի քիչ նրանց մասին, որոնք նրա մոտ այնքան էլ լավ չեն ստացվում:

Եթե դուք սկսեք ձեր զուգընկերոջ մեջ միայն թերություններ փնտրել, հավատացեք, կգտնեք՝ անհաշվելի քանակությամբ, ճիշտ այդպես է նաև առավելություններ փնտրելու պարագայում: Ամեն ինչ կախված է նրանից, թե ինչ եք փնտրում: Երջանիկ զույգերը միշտ լավատես են:

5.Գրկեք միմյանց՝ հանդիպելով երեկոյան, աշխատանքից հետո:

Մեր մաշկն ունի հատկություն՝ հիշելու "հաճելի հպումները", ճիշտ այդպես այն հիշում է նաև "վատ հպումները", այսինքն բռնությունները: Եվ, երբ դուք ողջունում կամ հրաժեշտ եք տալիս ձեր զուգընկերոջը՝ նրան գրկելով, դուք ուղղակի ընկղմվում եք այն "հաճելի հպումների" մեջ, որոնք հետագայում դժվար պահերին հիշում և դրանցով ջերմանում եք:

6.Աշխատեք գնալ քնելու նույն ժամին:

Երջանիկ զույգերն աշխատում են միշտ քնել նույն ժամին:

7.Ասեք միմյանց "Ես քեզ սիրում եմ" և "Քեզ լավ օր" ամեն առավոտ:
Սա լավագույն տարբերակն է առավոտվանից դրականորեն լիցքավորվելու և այդ դրականի շնորհիվ առաջիկա խցանումներին, հերթերին և այլ ոչ հաճելի բաներին դիմանալու:

8.Մի մոռացեք հարցնել միմյանց՝ "Ինչպե՞ս ես":

Մի մոռացեք օրվա ընթացքում զանգահարել ձեր սիրելիին՝ աշխատանքի վայր կամ տուն և հետաքրքրվել՝ ինչպես է անցնում նրա օրը:

9.Ամեն գիշեր միմյանց "Բարի գիշեր" մաղթեք և բոլորովին կարևոր չէ՝ թե ինչքան անկեղծորեն եք դա անում:
Դա ձեր ընտրյալին ասում է այն մասին, որ այնքան էլ կարևոր չէ, թե ինչի համար եք վիճել, որ այն, ինչ կատարվում է ձեր միջև ձեզ համար ավելի կարևոր է, քան այն տհաճ միջադեպերը, որ բոլորի հետ էլ պատահում են:

10.Ուրախացեք, երբ ձեր ծանոթները ձեզ միասին են տեսնում:
Երջանիկ զույգերը չեն ամաչում իրենց ընտրյալի հետ միասին "երևալ մարդկանց": Ընդհակառակը՝ նրանց հաճելի է, երբ բոլորը տեսնում են, թե ինչքան համահունչ է իրենց զույգը: