VIP- աղետներ՝ հարուստների և հայտնիների մասնակցությամբ (լուսանկարներ)

ԼԱՅՖ 18 Հուլիս, 2015 12:04

Հարուստները և ճանաչվածները հազվադեպ են հոգատար վերաբերմունք ցուցաբերում թանկարժեք իրերի նկատմամբ: Երբ կարող ես քեզ թույլ տալ գնել Ferrari-ի մեքենաների մի ամբողջ հավաքածու, ապա կարելի է նրանցից մեկի վրա արտահայտել զայրույթը և զգացմունքները`բեյսբոլի փայտով կոտրելով մեքենան, գրում է style.rbc.ru-ն:

Գինեսի ռեկորդների գիքում գրանցելու է արժանի այն ճանապարհատրանսպորտային պատահարը, որը տեղի է ունեցել կապույտ Bentley Continental GT կաբրիոլետի մասնակցությամբ, որի ղեկին եղել է մի շիկահեր։ 400.000 դոլար արժողությամբ Bentley-ն բախվել է S դասի Mercedes-ին, հետո Ferrari F430-ին, Porsche Carrera S-ին և նույնիսկ վնասել Aston Martin Rapide մակնիշին մեքենան:

Ռուս հեռուսահաղորդավար Թինա Կանդելակին, չնայած շիկահեր չէ, բայց նույնպես սիրում է վթարային իրավիճակներ ստեղծել: 2010 թ. գարնանը նա չի կարողացել կառավարել Audi Q7-ը և հարվածել է դիմացը կանգնած Lexus մակնիշի մեքենային:

Ռոուեն Ատկինսոնը`Միսթր Բինը, վթարի է ենթարկվել իր McLaren F1 մեքենայով: Նրա մեքենան դուրս է եկել երթևեկելի ճանապարհից, բախվել ծառին, այնուհետև՝ մետաղական նշանին ու այրվել։ Բարեբախտաբար, Միսթր Բինը այդ ամենից չի տուժել:

Խաղային մագնատ Սթիվ Ուինը, ով Լաս Վեգասում մի քանի կազինոների սեփականատեր է, փչացրել է Պիկասոյի հայտնի «Երազ» (Le Reve) կտավը: Ընկերներին ցուցադրելով կտավը և ցանկանալով գրավել հանդիսատեսի ուշադրությունը կտավի մի դրվագի վրա` միլիարդատերը ձեռքի կտրուկ շարժումով և եղունգով պատռում է 139 մլն դոլար արժողությամբ կտավը:

Անհաջող է ավարտվել նաև ԱՄՆ-ում անօդաչու տիեզերանավի թռիչքը, որը ստեղծել էր Blue Origin ընկերությունը: Տիեզերանավը 13.7 կմ բարձրության վրա կորցրել է հավասարակշռությունը: Կառավարման կենտրոնում տիեզերանավի ոչնչացման մասին որոշում են կայացրել:

Չինացի միլիոնատերը գնել էր 289 123 դոլար արժողությամբ Lamborghini Gallardo: Սակայն մեկ ամիս հետո մեքենայի շարժիչի հետ կապված խնդիրներ են առաջանում: Զայրացած միլիոնատերը վարձակալում է աշխատողների մի խումբ և խնդրում նրանց կոտրել Lamborghini-ն` հասարակության աչքի առջև:

Տհաճ դեպք է պատահել նաև Ռոման Աբրամովիչի թանկարժեք խաղալիքի հետ: Մալթայում 115 մետրանոց զբոսանավի անձնակազմը դիզելային վառելիքի փոխարեն սխալմամբ բենզինով է լիցքավորում այն: Այսպես, նրանք ոչ միայն քամուն են տալիս 107.000 եվրոն, որը վճարել էին բենզինի համար, այլ նաև Աբրամովիչին հասցնում են 10 մլն եվրոյի վնաս՝ փչացնելով զբոսանավի շարժիչը: