Կիտրոնի օգտագործման՝ մինչև այժմ անհայտ 10 տարբերակ

Blog.1in.am-ն ներկայացնում է կիտրոնի օգտագործման 10 յուրահատուկ տարբերակ, որոնք կստիպեն ավելի հաճախ գնել կիտրոն:

Եղունգների սպիտակեցում
Եղունգները 10 րոպեով դրեք կիտրոնի հյութի վաննայի մեջ, հետո լվացեք 1/2 բաժակ քացախից և 1/2 բաժակ տաք ջրից բաղկացած հատուկ լուծույթով: Եղունգները սրբեք չոր թղթե սրբիչով: Այդ խնամքը կսպիտակեցնի ու կամրացնի եղունգները:

Սև կետերից ազատում
Մի քանի օր քնելուց առաջ մաշկը սրբեք կիտրոնի հյութով: Դեմքը բավական կմաքրվի: Այս գործողությունը չպետք է գերազանցի մեկ շաբաթը, այլապես մաշկը գերչորացնելու վտանգ կա:

Մազերի բնական միլիրովկա
Մաքուր մազերը ողողեք կիտրոնի հյութով և ջրով՝ 1-ը 3-ի հարաբերակցությամբ: Առավելագույն արդյունքի համար պետք է զբոսնել արևի ճառագայթների տակ: Չոր և դյուրաբեկ մազերի դեպքում այդ պրոցեդուրայից լավ կլինի խուսափել:

Կտրտելու տախտակի մաքրություն
Կտրտելու տախտակի վրա կես կիտրոն քսեք և թողեք 20 րոպե, հետո լվացեք տաք ջրով: Դա կօգնի մաքրել, անցկացնել տհաճ հոտը:

Ճեփ-ճերմակ անկողնային սպիտակեղեն
Կիտրոնը կարող է անկողնային սպիտակեղենի բնական սպիտակեցուցիչ լինել: Լվացքի ժամանակ ավելացրեք 1/2 բաժակ կիտրոնի հյութ:

Առողջ կոկորդ
Կիտրոնը մրսածության դեմ հայտնի միջոց է: Եթե կոկորդը ցավում է, կես կիտրոնը պահեք վառարանի վրա, մինչև կեղևը դառնա ոսկեգույն-դարչնագույն: Հետո կիտրոնի հյութը խառնեք 1 թեյի գդալ մեղրի հետ և խմեք:

Մաքուր միկրոալիքային վառարան
Ջերմադիմացկուն ամանի մեջ խառնեք 4 ճաշի գդալ կիտրոնի հյութ և 1 բաժակ ջուր: 5 րոպեով դրեք միկրոալիքային վառարանի միջին հզորության պայմաններում: Այնուհետև ստացված լուծույթով սրբեք դրա պատերը:

Սեղանի ձևավորում
Գործի դրեք երևակայությունն ու սեղանը զարդարեք ուտելի դեկորով: Դա կարող է լինել կիտրոնի գեղեցիկ կտրտված կեղև, կիտրոնի շերտեր:

Թեփից մաքրում
1 ճաշի գդալ կիտրոնի հյութը քսեք թաց մազերին և գլխամաշկին, հետո գլուխը լվացեք շամպունով, այնուհետև ողողեք 2 ճաշի գդալ կիտրոնի հյութի և 2 բաժակ սառը ջրի խառնուրդով:

Թարմ սնունդ
Սնունդը փչանալուց պահպանելու համար պատրաստի ուտեստի վրա ցողեք կիտրոնի հյութ: