Աստղիկ Ալավերդյանը՝ կրկին մայրանալու լուրերի ու եթեր վերադառնալու մասին

Life.panorama.am-ը գրում է.

Վերջին օրերին համացանցում հայտնվել են հաղորդավարուհի Աստղիկ Ալավերդյանի լուսանկարները, որոնք շատերին թույլ են տվել կարծել, թե հաղորդավարուհին կրկին բալիկի է սպասում:

Այս լուրերը ճշտելու նպատակով Life.panorama.am-ը կապ հաստատեց Աստղիկի հետ, ով սակայն մեզ հետ զրույցում հերքեց այդ լուրը.

«Ոչ, բալիկի չեմ սպասում, դեռեւս ողջ ուշադրությունս կենտրոնացրել եմ փոքրիկիս վրա: Ես մենակ եմ մեծացնում տղայիս, օգնող չունեմ ու ինձ համար երկրորդ բալիկ ունենալը դեռ շուտ է, բացի այդ ուզում եմ վայելել որդուս առաջին տարիները, ոչ մեկի հետ զգացողություններս չեմ ուզում կիսել»,- նշեց Աստղիկն ու պատմեց փոքրիկի մասին.

«Տղաս արդեն քայլում է, ողջ տնով մեկ վազվզում է, ինձնից բացի ոչ մեկի մոտ չի գնում, նա սիրահարված է ինձ, իսկ մեր ուժեղ սերը փոխադարձ է: Որդիս արդեն բառեր է արտաբերում, ի դեպ՝ առաջինը պապա է ասել, ինչից Նարբեն անասելի զգացողություններ ունեցավ, թեպետ ասում է, որ կանխատեսում էր՝ որդու առաջին բառը հենց պապա պետք է լիներ: Դե իսկ ես էլ ընդհանրապես չսրտնեղեցի, նույնիսկ ընդհակառակը՝ ինքս էի ուզում, որ առաջինը պապա ասեր, որպեսզի Նարբեն ուրախանար, չէ որ տղամարդկանց մոտ այդ զգացողությունները լրիվ ուրիշ կերպ են արտահայտվում»,- նշեց հաղորդավարուհին: Ի դեպ՝ մեզ հետ զրույցի ընթացքում փոքրիկ Մոնթեն ամեն կերպ փորձում էր մեզ հետ խոսել՝ մայրիկի ձեռքից խլելով հեռախոսը:

Աստղիկ Ալավերդյանը դեռ չի մտածում եթեր վերադառնալու մասին. «Կար ժամանակ, որ որոշ ծրագրեր ունեինք այդ առումով, բայց հիմա պլանները փոխվել են, այլ նպատակներ ունենք, որոնց մասին դեռ չեմ ցանկանա խոսել»,- նկատեց նա:

Հեղինակ՝ Անուշիկ Մելքոնյան