10 սարսափելի փաստ, որոնց մասին կաթոլիկ եկեղեցին գերադասում է լռել

168.am–ը գրում է.

Գաղտնիքները և կաթոլիկ եկեղեցին անբաժանելի հասկացություններ են: Բայց նույնիսկ մի շարք խոշոր սկանդալներից և մերկացումներից հետո կաթոլիկությունը մնում է բազմաթիվ կրոնական դավանանքներից մեկը:

Ստորև ներկայացվում են կաթոլիկ եկեղեցու գաղտնիքները, որոնց մասին եկեղեցու ներկայացուցիչները գերադասում են չհիշել:

1. Ծաղր որբ երեխաների նկատմամբ Կանադայում

1930-ական թթ. կանադական Քվեբեկում սկսվեց մի ժամանակաշրջան, որը պատմության մեջ մտավ «Մեծ խավար» անվանումով: Վարչապետ Մորիս Դյուպլեսին հայտնի կոռուպցիոներ էր, ով ընտրություններում ստացել էր կաթոլիկ եկեղեցու աջակցությունը և հավանաբար որոշել էր շնորհակալություն հայտնել եկեղեցականներին:

Այդ ժամանակ բյուջեից ավելի շատ գումար հատկացվում էր հոգեբուժական հիվանդանոցներին (որոնք կառավարվում էին կաթոլիկ եկեղեցու կողմից), քան մանկատներին: Դյուպլեսիի մտքում «պայծառ» միտք է ծագում՝ որբ երեխաներին ախտորոշել տարբեր հոգեկան հիվանդություններ: Արդյունքում՝ մանկատները դատարկվեցին, իսկ հոգեբուժական հիվանդանոցներում տեղավորեցին մոտ 20 հազար երեխայի: Գործը հասավ նրան, որ երեխաներին վերցնում էին ոչ միայն մանկատներից, այլ նաև միայնակ մայրերից: Հիվանդանոցներում երեխաների կյանքը նման էր իրական դժոխքի: 

2. Երեխաների վերաբնակեցում

Սկսած 19-րդ դարից, մոտ 150 հազար երեխա Մեծ Բրիտանիայի մանկատներից ուղարկվել են այլ երկրներ (Ավստրալիա, Կանադա, Նոր Զելանդիա): Այսպիսով լուծվում էր գաղութները սպիտակ մարդկանցով բնակեցնելու պրոբլեմը: Բացի այդ, եկեղեցու ներկայացուցիչներն ապահովում էին իրենց երաշխավորված համայնքներով մյուս մայրցամաքներին: Այդ ամենը՝ ոչինչ: Բայց երեխաներին ուղղակի չէին հանում տներից, այլ ուղարկում էին տաժանակիր աշխատանքի: Երեխաներին տանջում էին, քաղցի, ծեծի էին ենթարկում և հաճախ՝ բռնաբարում: 

3. Նորածինների առևանգում

Իսպանիայի դիկտատոր Ֆրանսիսկո Ֆրանկոն որոշել էր երկիրն ավելի լավը դարձնել, իսկ դրա համար խլում էր երեխաներին «ոչ հուսալի» ծնողներից: Այդ ժամանակ կաթոլիկ եկեղեցին, որն աջակցում էր Ֆրանկոյին, կառավարում էր բոլոր հիվանդանոցները, դպրոցները և մանկատները: Դժվար չէ հասկանալ, որ հենց այդ ձևով են առևանգել մոտ 300 հազար երեխա: Շատ հաճախ բուժքույրը վերցնում էր երեխային «հետազոտության» համար, որից հետո վերադարձնում էր ուրիշի մահացած երեխային: Նորածիններին հենց ծննդատնից վաճառում էին այլ մարդկանց:

 

4. Հրեա երեխաներին չվերադարձնելու քաղաքականություն

Երկրորդ համաշխարհային պատերազմի ժամանակ կաթոլիկ եկեղեցին Ֆրանսիայում, փրկելով հրեա երեխաներին նացիստներից, մկրտում էր և թաքցնում դպրոցներում և մանկատներում: Երբ պատերազմն ավարտվեց, երեխաներին չվերադարձրեցին ծնողներին՝ պնդելով, որ հիմա նրանց պետք է դաստիարակեն քրիստոնյաները: 

5. Հանցավորությունը Վատիկանում

Բավականին զվարճալի, չնայած և տխուր փաստ. Վատիկանը գտնվում է ամենաբարձր հանցավորությամբ երկրների տասնյակում: Իհարկե, սպանություն այս գաճաճ պետությունում գրեթե չի լինում, բայց գրպանահատությունն ուղղակի գերազանցում է բոլոր խելամիտ ահմանները: 

6. Հանելուկային սպանություններ

Կաթոլիկ եկեղեցում ամենամեծ չբացահայտված գաղտնիքներից մեկը Հովհաննես-Պողոս Առաջին Պապի մահն է: Նրան գտել են մահացած իր ննջարանում` գահակալության 33-րդ օրը: Դիահերձում չի կատարվել:

Հանրահայտ է, որ Վատիկանը երկար տարիների ընթացքում կապված է եղել մաֆիայի և կազմակերպված հանցավորության հետ: 1982թ.-ին Վատիկանի Բանկի նախագահ Հայր Պավել Մարցինկուսը հրաժարական է տվել այն բանից հետո, երբ հրապարակվել է մաֆիայի հետ նրա կապերի մասին և մասնակցությունը մի քանի սպանություններում: 

7. Եկեղեցու համագործակցությունը դիկտատորների հետ

Դիկտատոր Բենիտո Մուսոլինին միշտ սերտ կապեր է պահպանել կաթոլիկ եկեղեցու հետ: 1929թ.-ին Հռոմի պապը և կաթոլիկ եկեղեցին ստացել են տարբեր արտոնություններ: 

8. Մագդաղենացու ապաստարանները

Իռլանդիայում կանանց, որ կասկածվում էին պոռնկության կամ խարդախության մեջ, կաթոլիկ եկեղեցին բանտարկում էր վայրերում, որոնք կոչվում էին «Մագդաղենացու տներ»: Ընդ որում, բավարար էր ոչ թե կատարված փաստը, այլ հենց կասկածը: Այս կանայք անցնում էին հարկադիր հոգեկան բուժում և կատարում էին ծանր աշխատանք: Նրանց անընդհատ ծեծի էին ենթարկում և գրեթե չէին կերակրում: Ամենայն հավանականությամբ, մոտ 30 հազար կին երկար տարիներ անցկացրել է նման ապաստարաններում: 

9. Խորվաթական հոլոքոստ

Անտե Պավելիչը խորվաթական Ադոլֆ Հիտլերն էր: Նա գլխավորում էր ապստամբերի մի խումբ, որոնք ունեին ուլտրապահպանողական հայացքներ: Այն բանից հետո, երբ Պավելիչը եկավ իշխանության, կաթոլիկ արքեպիսկոպոս Ստեպինացը կազմակերպեց ճաշկերույթ դիկտատորի պատվին՝ հայտարարելով, որ նա «կատարում է Աստծո գործը»: Հետո Պավելիչն ընդունելության է արժանացել Պիոս 12-րդ Պապի կողմից (դրանից ընդամենը 4 օր առաջ ապստամբները կրակի էին մատնել մի քանի հարյուր սերբերի` փակելով նրանց ուղղափառ եկեղեցում): Ամբողջ Խորվաթիայում կառուցվեցին համակենտրոնացման ճամբարներ: Կաթոլիկ հոգևորականներն այդ ճամբարներում ծառայում էին՝ որպես պահակներ և դահիճներ: 

10. Մանկապղծություն

Եվս մեկ սկանդալ՝ կապված կաթոլիկ եկեղեցու հետ, դարձավ մանկապղծության փաստերի բացահայտումը: Իրականում ինչքան է գոյություն ունեցել տվյալ պրակտիկան, հայտնի չէ, բայց հաստատ՝ ոչ պակաս 30 տարուց: Կաթոլիկ հայրերից ոմանք բռնաբարել են տասնյակ երեխաների, ընդ որում, նրանցից ոչ ոք չի զրկվել հոգևոր կոչումից: