ԱՄՆ-ի անվիաընկերությունները պլանավորում են օրական 30 չվերթ կատարել Կուբա

ԱՄՆ-ի առնվազն ութ անվիաընկերություններ են դիմել երկրի իշխանություններին՝ Կուբա չվերթերի թույլտվությունը հաստատելու խնդրանքով, տեղեկացնում Է«Արմենպրես»-ը՝ հղում անելով BBC-ին:

Ավիափոխադրողները ցանկանում են կղզի թռչել մի քանի քաղաքներից, այդ թվում՝ Չիկագոյից, Հյուսթոնից, Դենվերից եւ Մայամիից:

Ավելի վաղ ԱՄՆ-ը եւ Կուբան համաձայնագիր են ստորագրել երկու երկրների միջեւ կանոնավոր ավիահաղորդակցության վերականգնման մասին:

Ըստ կանխատեսումների, օրական 20 թռիչք կիրականացվի Հավանայի եւ Միացյալ Նահանգների քաղաքների միջեւ, ինչպես նաեւ օրական 10 թռիչք Կուբայի այլ քաղաքներ:

2015 թվականին մոտավորապես 160 հազար զբոսաշրջիկներ են այցելել Կուբա՝ այնտեղ մեկնելով չարտերային չվերթերով: Նաեւ հարյուրհազարավոր կուբացիներ են այցելել կզում իրենց ազգականներին:

Մարտի 21-22-ին, Լատինական Ամերիկայի երկրներ ուղեւորության շրջանակներում, ԱՄՆ-ի նախագահ Բարաք Օբաման այցելելու Է Կուբա: Օբաման կդառնա երկրի պատմության մեջ կղզի պետություն այցելած  առաջին նախագահը՝ Քալվին Քուլիջից հետո, որը Կուբա Է այցելել 1928 թվականին:

Այս շաբաթ նաեւ հայտնի Է դարձել, որ Rolling Stones բրիտանական ռոք խումբը համերգ կտա Հավանայում, որը ամենախոշոր ելույթը կդառնա Կուբայի մայրաքաղաքում 1959 թվականի հեղափոխությունից հետո:

Համերգն անցկացվելու Է մարտի 25-ին Ciudad Deportiva մարզադաշտում: Մուտքն անվճար Է:

Rolling Stones-ն իր մամուլի տեղեկագրում հայտարարել Է, որ դա առանձնահատուկ իրադարձություն կլինի խմբի ու նրա կուբացի երկրպագուների համար:

Երկար տարիներ ի վեր Կուբայի իշխանությունները հետապնդում Էին երիտասարդներին ռոք երաժշտությամբ տարվելու համար: Այն համարվում Էր արեւմտյան կապիտալիզմի ազդեցությունը: Բացի այդ, Կուբայի կառավարությունը երկար ժամանակ արգելում Էր մարդկանց ոչ պաշտոնական բազմամարդ հավաքները: