Թուրքիայի ընդդիմությունն Էրդողանից ներողություն է պահանջում

Թուրքիայի ընդդիմադիր Հանրապետական ժողովրդական կուսակցությունը (ՀԺԿ) պահանջել է նախագահ Ռեջեփ Թայիփ Էրդողանից ներողություն խնդրել Սահմանադրական դատարանի վերաբերյալ անհարգալից հայտարարություն անելու առնչությամբ: Այս մասին տեղեկացնում է թուրքական «Հաբերլեր»-ը:

ՀԺԿ խորհրդարանական խմբակցության ղեկավար Էնգին Ալթայն ասել է, որ իրենք ակնկալում են, որ Էրդողանը ժողովրդի առաջ ներողություն խնդրի օդանավակայանում ասած խոսքերի համար: «Անկախ նրանից, թե քանի տոկոս ձայներով ես ընտրվում, ինչ պաշտոն ես զբաղեցնում, Թուրքիայում բնակվող ցանկացած մարդ պատասխանատվություն և պարտավորություն ունի հարգելու երկրի սահմանադրությունը: Ոչ ոք դատարանի որոշումները չընդունելու, չհարմարվելու, չհարգելու իրավունք չունի»,- ընդգծել է Ալթայը՝ հավելելով, որ իրենք Սահմանադրական բարեփոխումների նպատակով բանակցային սեղանի « շուրջ չեն վերադառնա, քանի դեռ Էրդողանը ներողություն չի խնդրել ասածի համար:

Թուրքիայի նախագահ Ռեջեփ Թայիփ Էրդողանը Արևմտյան Աֆրիկակատարելից այցելությունից առաջ օդանավակայանում պատասխանել էլրագրողների հարցերին՝ անդրադառնալով վերջերս «Ջումհուրիեթ»պարբերականի աշխատակիցներին ազատ արձակելու փաստին:Լրագրողներից մեկը հարցրել է, թե ինչ է մտածում նախագահը Սահմանադրական դատարանի որոշման մասին, որով «Ջումհուրիեթ»-ի գլխավոր խմբագիր Ջան Դեունդարի ու Անկարայի թղթակից Էրդեմ Գյուլիկալանավորումը համարվել էր օրենքի խախտում, և լրագրողներն ազատ էին արձակվել: «Ես կլռեմ Սահմանադրական դատարանի կայացրած որոշմանառնչությամբ, չեմ պատրաստվում այն ընդունել: Չեմ համաձայնվում այդ որոշման հետ, չեմ հարգում այն»,- ասել է Էրդողանը: