Թեհրանում Փորձագետների խորհրդի ընտրություններում մեծամասնություն են ստացել Ռոուհանիի կողմնակիցները

Իրանի գործող նախագահ խոջաթոլԷսլամ Հասան Ռոուհանին եւ նրա կողմնակիցները Թեհրանում տեղերի մեծամասնությունն են ստացել Փորձագետների խորհրդում: Այդ մասին, հաղորդել Է ԻՌՆԱ գործակալությունը՝ վկայակոչելով ընտրված թեկնածուների վերջնական ցուցակը:

Առաջին տեղն զբաղեցրել Է Ընդունվող որոշումների նպատակահարմարության գծով խորհրդի նախագահ եւ Իրանի Իսլամական Հանրապետության նախկին նախագահ (1989-1997 թթ.) այաթոլլա Ալի Աքբար Հաշեմի Ռաֆսանջանին, որը չափավոր քաղաքական ուժերի ներկայացուցիչ Է: Ցուցակի երկրորդ հորիզոնականում Թեհրանում ուրբաթօրյա նամազի ժամանակավոր իմամ այաթոլլա Մոհամադ Էմամի-Քաշանին Է: Ռոուհանին երրորդ տեղում Է:

Փորձագետների խորհրդի ներկայիս նախագահ այաթոլլա Մոհամադ Յազդին, որը համարվում Է ծայրահեղ պահպանողականների ներկայացուցիչ, նոր կազմի մեջ չի մտել:

Հոգեւորականության 16 ներկայացուցիչներից 15-ը արտաքին քաղաքականության, տնտեսության եւ Իսլամական Հանրապետության զարգացման վերաբերյալ չափավոր հայացքների կողմնակիցներն են, որոնք պաշտպանում են նախագահ Ռոուհանիի կառավարությունը:

Փորձագետների խորհրդի նոր՝ հինգերորդ կազմի մեջ, որի լիազորությունների ժամկետն ութ տարի Է, մտնելու են 88 խոշորագույն աստվածաբաններ եւ շիա իրավագետներ: Իշխանության այս մարմնի գլխավոր գործառույթն իր շարքերից Իրանի ցմահ ղեկավարին ու հոգեւոր առաջնորդին ընտրելն Է այն դեպքում, եթե ներկայիս 76-ամյա այաթոլլա Ալի Խամենեին այս կամ այն պատճառով ի վիճակի չլինի կատարել իր պարտականությունները: 

Միաժամանակ Կենտրոնական ընտրական հանձնաժողովը հայտնում Է, որ ներկա դրությամբ մեջլիսում (խորհրդարան) Թեհրանից 30 տեղի համար պայքարում հաղթում են բարեփոխականների եւ չափավորների թեկնածուներն այն դեպքում, երբ մյուս նահանգներում հաղթանակ են տանում պահպանողականները կամ Իսլամական հեղափոխության խիստ սկզբունքների հետեւորդները: Ձայների հաշվումը շարունակվում Է:

Մեջլիսի եւ Փորձագետների խորհրդի՝ փետրվարի 26-ին կայացած ընտրություններին Թեհրանում ընտրողների մասնակցությունը կազմել Է շուրջ 48 տոկոս: Մեջլիսի 290 պատգամավորների լիազորությունների ժամկետը չորս տարի Է:

Ընդամենն ամբողջ երկրում քվեարկությանը մասնակցել Է ընտրողների ավելի քան 60 տոկոսը կամ 33 միլիոնից ավելի մարդ: Տեղի օրենսդրությանը համապատասխան, վերջնական արդյունքները պետք Է հրապարակվեն ընտրությունների օրվանից հետո երեք օրից ոչ ուշ, հաղորդել Է ՏԱՍՍ-ը: