Նրանք մեր հասարակության «բռակ» դուրս եկած մարդիկ են. Արամայիս Հայրապետյանը՝ Լուսիին քննադատողների մասին

Life.panorama.am-ը գրում է.

Վերջին օրերին համացանցում հրապարակում է տարածվել, ըստ որի քննարկվում է երգչուհի Լուսիի ոճը: Հրապարակման մեջ մասնավորապես նշվում է.

«Լուսինե Աղաբեկյանը ինչ որ ոճային դեգերումների մեջ է վերջին տարիներին և անընդհատ ինչ որ փոփոխությունների է ենթարկում իր իմիջը, բայց այնպիսի տպավորություն է, ասես նա բոլոր հնարավոր տարբերակներից ամենասարսափելիներն ու անհաջողներն է ընտրում։ Լուսիի արտաքնի վերաբերյալ առանց այն էլ կատակում էին, որ նա նման է Կոնչիտա Վուրստին՝ առանց մորուքի, իսկ այս լուսանկարում արդեն առանց կատակի ու հեգանանքի, կարելի է արձանագրել, որ անհաջող սանրվածքը, մկանոտ մարմինն ու անհրապույր և անսեռ հագուստը Լյուսիին իսկապես տրանսֆեստիտի են նմանեցնում։ Կարծում եմ, նա պետք է լուրջ ոճաբանի դիմի, եթե չունի, կամ էլ փոխի եղածներին, եթե ունի, որովհետև սա սարսափելի է»:

Այս թեմայի շուրջ մեկնաբանություն ստանալու նպատակով Life.panorama.am-ը կապ հաստատեց երգչուհու պրոդյուսեր Արամայիս Հայրապետյանի հետ, ով նաեւ Լուսիի ամուսինն է:

«Ես անգամ չգիտեմ, թե ով է այդ նյութը տարածել, հեղինակը անհասկանալի անվամբ մեկն է, ում անգամ չարժե որեւէ կերպ անդրադառնալ: Մարդիկ իրենք իրենց պատժում են, հակադարձել պետք չէ: Ծիծաղաշաժն այն է, երբ մտնում ես էտ վատ մեկնաբանություն տարածողների էջը, մեկ էլ պատահմամբ տեսնում ես, որ նրանցից մեկն օրինակ իր էջում հետեւյալ գրառումն է կատարել՝ «Բարի եղեք, մարդիկ»: Դրանից հետո հասկանում ես, որ շատ անիմաստ է նման մարդկանց մասին խոսելը, նրանք մեր հասարակության «բռակ» դուրս եկած մարդիկ են, դրա համար էլ պետք է նրանց վերաբերվել «ըմբռնումով», նրանց տեսակն է այդպիսին»,- նշեց Արամայիս Հայրապետյանը:

Հեղինակ՝ Անուշիկ Մելքոնյան