Ինչպե՞ս են ստում տղամարդիկ ու կանայք

Shabat.am-ը գրում է.

Երևի եթե բոլոր մարդիկ լինեին բացարձակ անկեղծ, կյանքն անսահման տխուր ու մռայլ կլիներ: Դե սարսափելի ի՞նչ կա, երբ ստում ես մանրուքներում կամ զարդարում իրականությունը:

Ինչպե՞ս են ստում տղամարդիկ

Լինելով խիստ զգայուն, կանայք սովորել են տարբերակել իրենց տղամարդկանց փոքրիկ ստերը: Ահա տղամարդկանց ստերի մի փոքրիկ շարք:

Կինը միշտ ճիշտ է, կնոջ խոսքն օրենք է:Սա ասելիս տղամարդիկ երբեք չեն հավատում իրենց խոսքերին: Պետք չի ակնկալել, որ այս խոսքերից հետո տղամարդը կսկսի կատարել կնոջ բոլոր քմահաճույքները: Տղամարդիկ, ցավոք, կանանց շահերի լավ պաշտպան չեն:

Ստիպված էի երկար մնալ աշխատավայրում, բացի այդ` սարսափելի խցանումներ էին:Խելամիտ կինը երբեք լուրջ չի ընդունի այս խոսքերը, հատկապես երբ սիրելիից գարեջրի հոտ է փչում:

Վայ դու իմ սիրուն, տնարար… Տղամարդը հաստատ ցանկանում է այս կերպ խուսափել կնոջը որևէ կենցաղային հարցում օգնելուց: Գեղեցիկի ու տնարարի համադրությունը ոչ մի կերպ չի մտնում տղամարդու մտքերի մեջ:

Ես հարյուրավոր գեղեցիկ կանայք եմ ունեցել, դու իմ կյանքի երկրորդ կինն ես: Երկու արտահայտություններն էլ նույն կերպ կասկածելի են: Կամ նա ցանկանում է դոնժուան երևալ կամ ակնկալում է քո խղճահարությունը: Երկու արտահայտությունն էլ մանիպուլյացիայի միջոց են:

Ընդամենը 50 գրամ ենք խմել: Այս հուզիչ կոնկրետությունը խոսում է նրա մասին, որ խմել են շատ ու տարբեր բաներ: Հարցրու նրան, թե կոնկրետ ինչ է խմել, և կտեսնես, որ նա մի պահ կանգ կառնի:

Երբեք ոչ մի կնոջ հետ չեմ զգացել այն, ինչ քեզ հետ… Տղամարդը ցանկանում է լինել միակը քեզ համար, ուստի ասա նրան, որ հավատում ես. թող հանգստանա:

Ինչպե՞ս են ստում կանայք

Կանանց համար սուտ չի համարվում`

-որոշակի տարիքից սկսած խաբել տարիքը,

-հետաքրքրության համար ճոխացնել պատմությունները,

-խոսակցության մեջ գովել տղամարդու արտաքին տեսքը, թեև նա այդքան էլ գեղեցիկ չլինի:

Ինչպե՞ս պարզել, որ մարդը ստում է.

Փակ ժեստեր: Տղամարդն անընդհատ թաքցնում է ձեռքերը գրպաններում, խոսակցության ժամանակ թեթևակի փակում է բերանը, դիպչում է ուսերին և դեմքին:

Մարմնի շարժումներ: Տղամարդը կարող է մի-փոքր ձիգ պահել ուսերն ու թեթևակի քմծիծաղ տալ: Քորում է կզակը, ուղղում հագուստը, արհեստականորեն հազում:

Աչքերի ազդանշաններ: Աչքերն անընդհատ վազում են, իսկ տղամարդը փախցնում է հայացքը: Ստող տղամարդը դառնում է ագրեսիվ, չի նայում դիմացինի աչքերին, անկանոն է շնչում, խոսում է բարձր տոնով, կարող է ցատկել ու դուրս վազել սենյակից:

Կանայց նման իրավիճակում հիմնականում անհեստական ժպտում են, խոսում են մանկական ձայնով, ուղղում են հագուստը, ոտքը գցում ոտքին և ավելի հաճախ թարթում: